Nagyeyelo ang lahat sa kanyang paligid kung pagbabasehan ang ibabaw na parte. Sa ibabang parte naman ay nangangalit na apoy na nagmumula sa kung saan. Ngunit imbis na maalarma ay tila nakaramdam siya ng antok sa pinakaunang pagkakataon simula ng mainom niya ang isinumpang dugo ni Senior Xa. Mas lalong idiniin ni Logan ang pagpikit ng kanyang mga mata. Naiisip niyang kailan pa ang huling beses na nakatulog siya. Sa ngayon ay masarap ang kanyang pakiramdam lalo na ng maamoy niya ang kakaibang asupri na binubuga ng nagngangalit na bulkan sa ibaba. Ang buong paligid ay lumikha ng kakaibang kapanatagan sa kanyang puso. Mistula hinihila siya nito sa malalim na hukay ng pagpapahinga, o mas tamang sabihin na mamamatay siyang masaya at payapa. Pakiramdam niya ay matutulog siya nang matagal na paran
