Nagpapakiramdaman ng kilos sina Tristan at ang daddy ko ngayon sa dining area habang kumakain kami ng almusal. Kahit na pinagbawalan na kaming magkita, hindi pa rin kami sumusuko sa isa’t isa. Bilang nag-iisang anak at tanging kasama na lang ng daddy ko, pinoprotektahan niya lang ang kapakanan ko. I know that thing and we are trying to convince him that Tristan now is worthy for my love for the third time around.
“Tinapay?” alok ng daddy kay Tristan habang hawak niya ang platong may nakalagay na toasted bread.
Bahagyang nakatitig pa ang nobyo ko kay daddy at saka tumango. “Salamat,” tipid niyang tugon.
Ang daddy ko na ang kumuha ng tinapay para kay Tristan at sa kasamaang palad, tila sinadya pa niyang ihulog ang tinapay. Mabuti na lang at may table cloth naman ang mesa na nasalo ang tin
