EPISODE 20:
REVELATION
Si Danerie isang CEO?
Si Pogi na kasama ko lang nagtatrabaho bilang janitor ay isa na ngayong CEO?!
"Oh, Ate, bakit parang pinagsakluban ka naman yata ng langit at lupa?"
Napalingon naman ako nang marinig ko ang boses ng kapatid kong si Mark sa likod. "Nako, huwag ngayon, Mark. Wala talaga ako sa mood."
"Bakit, Ate? May iba na ba si Kuya Danerie kaya la nagkakaganyan ngayon?"
"Hindi ha!" Sinamaan ko na siya ng tingin sabay tumayo galing sa mesa. "Pakealam ko sa lalaking 'yun kung may iba na siya?"
"Hay nako, Ate Joy, halata namang may gusto ka kay Kuya, e. Ayaw mo lang aminin," usal pa nito sabay upo sa kaniyang kama.
Kinuha ko na lang ang mga damit namin na tutupiin ko sa kama at humiga na. "Ang dami mong sinasabi, Mark. Matulog ka na lang diyan at sasamaha
