HINDI marunong manligaw si Luna at ayaw rin niya sana. Pero mukhang hindi kumbinsado si Seymor sa basta date lang. Parang gusto nitong ipamukha sa kanya na siya naman talaga ang may pinakagusto sa lahat.
May katotohanan rin naman iyon kaya kahit medyo nakakahiya ay pumayag na rin siya sa gusto ni Seymor---ang ligawan ito. Nasa makabagong panahon na rin naman sila ngayon at marami na siyang kilala na babae mismo ang unang gumagawa ng unang move. Wala na rin masama sa gagawin niya. Isa pa, kapag naman talaga nanliligaw ay nasa getting to know each other stage na. Sa ngayon, iyon ang mahalaga muna sa kanya. Inisip na lang rin niya na challenge rin ito para sa kanya. At hindi siya basta-basta na tumatanggi sa mga challenges.
Sa unang araw ng panliligaw ni Luna ay
