الفصل الخامس
2722 Words
(وقفنا الفصل اللى فات لما لؤي جاتله مكالمه غريبه و لما خلص المكالمه شاف حد وراه...
لؤي(بصدمه و توتر)/رهف انتى هنا من امته
رهف(باستغراب من توتره و لكن لم تبالى كثيرا)
رهف/انا لسه جايه...مالك متوتر كده لى
لؤي/(و هو يحاول مداراة توتره)لا ابدا هتوتر لى...
رهف/(و هى تمد شفتيها) يمكن
لؤي/(و هو يحاول تغيير الموضوع) كنتى عاوزانى فى حاجه (بقلم سحر جاد)
رهف/ااه كنت هنسا يلا علشان لسه انت بس اللى ما عملتش اوردر
لؤي/اوك يلا....هو انتى برده طلبتى الكوارع هههه
رهف/ههه لا طلبت بيتزا و كريب و بطاطس فريسكاس
لؤي/مش كتير عليكى
رهف(بتحذير)/لووووووؤي.
لؤي/والله ما اقصد اصل اللى يشوفك يقول بتحافظى على اكلك و كده فهمانى
رهف/انا كده باكل بس مش باتخن و لو حسيت انى هزيد فى ثوانى العب رياضه اكون رجعت تانى
لؤي/لا بس بطللل
رهف(بتحذير شديد)/لؤى لم نفسك
لؤي/(بحركه كوميديه)/تمام يا فندم(بقلم سحر جاد)
(عند يوسف................. وصل يوسف الى منزله و اثناء صعوده الى منزله قابل عمه....)
مصطفى(باستغراب)/اي دا يوسف انتوا جيتوا
يوسف(و هو يحاول مداراة المه و دفنه و لكنه فشل فهذا عمه مصطفى و فى مقام والده و هو من رباه)
يوسف/لا يا عمى انا بس اللى جيت اصل ورايا كام حاجه قلت اجى اخلصهم
مصطفى/وراك ايه يخليك تزور الطريق و ترجع فى نفس اليوم و سبتهم
يوسف(بكذب و توتر يحاول مداراته)/كان فى شوية ورق محتاج امضتى و محسن كلمنى و رجعت
مصطفى/(بيقين انه يحاول الكذب) اممم متاكد يا يوسف
يوسف/ااه يا عمى متاكد
مصطفى/(و هو يتن*د لا يريد الضغط عليه) ماشي يابنى براحتك طالما مش عاوز تتكلم مش هاضغط عليك
يوسف/شكرا يا عمى عن اذنك
مصطفى/اذنك معاك يابنى اتفضل
(صعد مصطفى الى منزله وجد والدته و نور يجلسون سويا......
كريمه(بتعجب)/ايه دا مش كنت بتقول هتقعد يومين كمان جيت لى فى نفس اليوم
يوسف/(و هو يحاول ان يخفى حزنه و ارهاقه)/عادى يا ماما افتكرت ان ورايا شغل رجعت( بقلم سحر جاد)
كريمه(و هى تلوى فمها)/و اخوك مع المزغوده دى هناك لسه لى ما جاش معاك لى
نور(بغيظ)/و هو يقدر يسيب ست الحسن اللى بيفضلها علينا و قال ايه اخته و هى فى الاول و فى الاخر بنت عمه لا اكتر ولا اقل
يوسف(و هو ينفخ بضيق)/يووووه بقا انتوا ما بتزعقوش ما تسيبوها فى حالها بقا
(و تركهم و ذهب الى غرفته دون سماع اى حديث منها)
كريمه(بغيظ و غل)/ما اعرفش بنت زينب دى عامله لعيالى ايه
نور/دى وحشه اصلا ما اعرفش بيحبوها على ايه و دمها تقيل كده ياي
(هههههه قال رهف اللى وحشه و دمها تقيل آه يا سوسه يا ام صورم انتى و امك دا انتوا غلاويين اصبروا هشردكوا فى الروايه دى اصبروا (بقلم سحر جاد))
نرجع ل قصتنا........
(دخل يوسف الى غرفته و القى بجسده على الفراش بتعب ليس تعب جسده و لكن روحه تؤلمه ف هو قرر الابتعاد عن طريق معذبة قلبه عن حب عمره عن معشوقة قلبه ااه يا ذات الشعر البرتقالى اه يا ذات العيون الساحرة ف من وقت ان رايتها قلت ان هذه العيون لى لا يحق لها النظر ل احد الا لى ....
يوسف/(لنفسه بصوت يكاد يكون مسموع)/هه ما يحقش ليها تبص لغيرك هه دى ما بصنش ليك اصلا يا غ*ي دايما تعلق نفسك ب احبال دايبه ياااا يوسف يااا اخوها اااااه يا رهف ااه اتمنى ما يوجعش قلبك ولا يلعب بيكى
(قام يوسف توضا و قام بالصلاه و دعا الله ان يزيل حبهل من قلبه او ان يضع حبه فى قلبها و لو لم تكن من نصيبه ف تكون سعيده مع من يختاره قلبها و انهى صلاته و ذهب للنوم.......
(عند رهف و مازن و منار و لؤي... قاموا بتناول العشاء و ذهب كل منهم الى غرفته...عند رهف و منار_____
منار/مش عارفه يا رهف يوسف ابن عمك دا جه لى طالما مش هيقعد معانا و يمشي فى نفس اليوم كده
رهف(بحيره)/مش عارفه والله يا منار بس بيقول ان جاله شغل مهم
منار/مش عارفه ليه مش مصدقه انه وراه شغل ما شفتيش كان متضايق ازاى
رهف/ مش عارفه بس هو اصلا بقا غريب الفتره اللى فاتت دى
منار/ازاى يعنى
رهف/مش عارفه بس حاساه كده
منار/يمكن
رهف/منار
منار/ نعم
رهف/حساكي متضايقه
منار/(و هى تحاول ان تخفى حزنها كما تفعل طوال الوقت)/
منار/ابدا مفيش حاجه...(و هى تحاول تغيير الموضوع)قوليلى بقا هنروح فين بكره
رهف/منااار ما تغيريش الموضوع... مالك
منار/(و هى تشعر بالاختناق و انها تريد البكاء) الموضوع نفسه كالعاده
رهف(باسف على حال صديقتها)/مامتك و باباكى تانى
منار/(بخنقه)ااه....زهقت يا رهف و نفسيتى تعبانه اوى
رهف/معلش يا قلبي هتعملى ايه
منار/(بحزن)/ كان نفسي يبقا فى ايدي حاجه اعملها يا رهف بس مصرين على قرارهم و ماما كلمتنى قالتلى ان لما بابا يجى من السفر هيتطلقوا
رهف/ هما ازاى مش بيفكروا فيكى
منار/لما قولتلهم كدا قالولى العيشه بينا بقت مستحيله...
رهف/ازاى دا يعنى مش قادرين يستحملوا علشانك
منار(بدموع)/مش عارفه يا رهف مش عارفه انا ما بقتش قادره استحمل حاجه خالص انا بجد تعبت منهم طول الوقت بحاول ابقا قويه بس حقيقى ما بقتش قادرة
رهف(ضمتها الى حضنها)/يا حبيبة قلبي انا ما تزعليش و حياتى و بعدين مش انا اختك و لا ايه
منار/(و هى دموعها)انتى عارفه يا رهف معزتك عندى و انك اكتر من اختى
رهف/(و هى تحاول التخفيف عنها)يبقا روقى كده وانا جمبك وفكى يا بيضه احنا جايين نغير جو بقا يا مونى يا قمر(و بدات تكركرها)ياتى حلوه يا ناس و مزه يا ناس و هتبقى مرات اخويا يا نااس
(ضحكت الفتاتان كثيرا و حاولت رهف جاهدة ان تجعل منار تنسي كل المها)
منار/بااااااااس تعبت
رهف/(و هى تنهج)هبطت ياماااااا
منار/يا شيخه دا انتى هديتى حيلى ارحميني
رهف/طب يلا يا ختى ننام يلا
منار/يلااا (بقلم سحر جاد)
(القت الفتاتان بجسدهما على السرير و ذهبتا فى نوم عميق)
فى اليوم التالى فى الشركه الخاصه ب مصطفى والد رهف و محمد والد يوسف.......
يوسف/(للسكرتيره) عاوز ملف شركة الهلالى الى اتمضي من يومين و عاوز الحسابات الشهر ده و تفاصيل الشحنه اللى جايه م **** كمان كام يوم و الشغل اللى كنت مأجله الفتره اللى فاتت كله هاتيه
السركرتيره(حنان)/باستغراب). بس دا مش كتير يا فندم
يوسف/ايه يا حنان انتى هتناقشينى اعملى اللى طلبته منك يلا
حنان/سورى يا فندم عن اذنك
(خرجت السكرتيره فى دخول محسن)
حنان(لمحسن)/شكله مش فى المود خالص
محسن/هو جه لى اصلا
حنان/لى ازاى هو ما كانش جاى اصلا
محسن(و هو يتركها و يذهب)/بعدين بعدين احكيلك
(دخل محسن الى يوسف)
محسن/الله انت حيت لى مش كنت خدت احازه يومين
يوسف(بوجه خالى من التعابير)/جيت و اللى حصل ما جاليش نفس اكمل الاجازه
محسن/حصل حاجه ضايقتك ولا ايه
يوسف(و هو يتذكر عندما كان لؤي يضع يده على خصر رهف و نظرة رهف له و احتراق قلبه فى هذه اللحظه)
يوسف/(بابتسامة سخريه جانبيه)/ ابدا
محسن/يابنى دا انا حافظك فى ايه قول رهف عملت ايه تانى
يوسف/مين قالك بقا انها رهف
محسن/و هو فى غيرها بيقلب حالك كده بكلمه يا صاحبي
يوسف/فعلا مفيش بس من النهارده خلاص.
محسن/لا كده شكل الموضوع كبير بقا فى ايه احكيلى
يوسف/ولا كبير ولا حاجه كل الحكايه ان من هنا و رايح ما بقاش فى حاجه اسمها رهف فى حياة يوسف
محسن/ يا عم ما تقول ايه سبب القرارات الكبيره دى
يوسف/(جلس على الكرسي و هو يحاول الا يتحدث عنها بضعف)
يوسف/رهف قلبها دق
محسن/دق ؟ دق ازاى يعنى مش فاهم
يوسف/يعنى حبت يا محسن يعنى حبت كانت بتبصله ب نظره كان نفسي تبصلى بالنظرة دى مره واحده بس ما طلعتش من نصيبى
محسن/حبت مين و نظرة ايه و هو مين دا اصلا
يوسف/لؤي
محسن/لؤي مين دا
يوسف/لؤي حسين الهلالى
محسن/ابن حسين الهلالى صاحب ابوك و عمك اللى انتوا مضيتوا معاه اخر صفقه
يوسف/ايوه هو
محسن /بس دا واد محدش بيرتاحله و ما اعرفش ابوك وعمك وافقوا ازاى يعملوا مع ابوه صفقه وهو راجل كمان مش قد كده فى السوق
يوسف/هو صاحبهم من زمان وهما عارفينه كويس
محسن/مش عارف لى شامم ريحه مش كويسه عالعموم ربنا يستر
يوسف/يارب
محسن/و انت يا صاحبى ركز مع نفسك شويه و حاول تنساها و لو ليك نصيب فيها اكيد هتبقى من نصيبك مش هتبقا لغيرك
يوسف/خلاص يا محسن قفل على الموضوع خلاص كل حاجه انتهت
(دقات على الباب دق.. دق...دق......
يوسف(بصوت عالى)/ادخل
(دخلت حنان و هى تحمل جميع الملافات فوق بعضها ف وقف محسن و حمل منها بعضها)
محسن/ايه ده ايه كل دا
حنان/مستر يوسف اللى عاوزهم
محسن/ايه يا يوسف كل دا و هتلحق تقرا او تخلص كل الملفات دى امته
يوسف/اخلصهم وقت ما اخلصهم سيبونى بقا لو سمحتوا عاوز اخلص شغلى
محسن (لحنان)/طيب معلش يا حنان روحي انتى
حنان/تمام عن اذنكم
(و ذهبت حنان و وقف محسن أمام يوسف و هو يربع ذراعيه)
يوسف/(دون ان يرفع راسه ل اعلى). هتفضل واقفلى كدم امشي يلا
محسن/يوسف بصلى
يوسف/مش فايقلك يا محسن ورايا شغل
محسن/وانا بقولك مش هامشي انت بتعمل فى نفسك كده لى هاااا لى يعنى انت شايف ان الحل يعنى انك تفضل دافس نفسك فى الشغل
يوسف/ااه هو دا الحل
محسن/ماشي يا يوسف ماشي انا همشي
(و تركه محسن و ذهب ف هو يعلم عنده تماما و انه لن يرجع فى هذا القرار.... و عندما خرج محسن من مكتب يوسف.... ض*ب يوسف المكتب بيده و اهال الاوراق فى كل مكان و **ر المزهريه)
يوسف(لنفسه)غ*ي يا يوسف غ*ي و هتفضل طول عمرك غ*ي هى مش شايفاك اصلا مش شايفااااااك انت بالنسبه ليها هواا يعنى انسي بقا انسي كل شويه هتقول هنسي وما بتنساش النهارده كده بكره تلاقيهم مخطوبين خليك انت واقف مكانك محلك سر اوووووف(بقلم سحر جاد)
(نفخ بضيق و عصبيه و لم اوراقه و جلس على مكتبه مره اخرى ل ينغمس فى العمل حتى يستطيع ان يشغل تفكيره ب اى شئ غيرها)
عند رهف______
منار(و هى توقظ رهف)/رهف قومى يا رهف زهقتينى بقالى ساعه بصحيكى
رهف(بنعاس)/خمس دقايق بس
منار ( و هى تهز فيها بقوه ) / رهفففف قومى بقا احنا مش جايين ننام هنا
رهف / ( بنعاس ) ماشي ماشي استنى بس اخلص الحلم دا
منار ( بعصبيه ) / رهفففففففف
رهف ( تقوم تجرى من على السرير ) / ايه فى ايه ايه اللى حصل مين مات
منار / ( بضحك هيستيرى على شكل رهف و وقعت على الارض من كثرة الضحك )
منار / آه مش قادره شكل يموت من الضحك يا لهووي هههههه
رهف / ( بعصبيه ) بقا انا تعملى فيا كده طيب تعالى
منار ( بصدمه ) / يا نهار ابيض انا شكلى عكيت ولا ايه
( وقفت منار و جرت و تجرى رهف خلفها و هى تتوعد لها و تفتح منار الباب و اذ ب مازن امامها ولكنها لم تراه لانها كانت تنظر خلفها ف اوقعته و وقعت فوقه )
رهف / ( و هى تضحك على شكلهم عندما سقطوا فوق بعضهم )
رهف / اكيد عجبتكوا الوقعه دى هههههه
( لم تجد ردا منهم ف كل منهم شادر فى عيون الاخر و يتمنوا ان لا تنتهى هذه اللحظه ابدا )
رهف / طب اسيبكوا كده يعنى ولا ايه الناس تقول علينا ايه دلوقتى هاا . . . . ( لم تجد رد ) يا هووووو ايه فوقوا كده
( فاقوا من شرودهم و وقفوا بسرعه )
رهف / مش وقت نحنحه ياختى انتى و هو
منار ( و قد احمر وجهها كثيرا من الخجل ) / رهفف بس بقا
رهف / الله هو انا قلت حاجه ما الناس اللى هتفكر غلط لو حد شافكم و انتوا نازلين تسبيل . .
مازن / ما تتهدى يا سوسه بقا الله ( بقلم سحر جاد )
رهف ( و هى تخرج ل**نها ) / امممم براحتى
منار / رهف بجد هزعل منك احنا ما سبلناش ولا حاجه احنا بس وقعنا و قمنا علطول و بعدين انا اللى غلطانه اسفه يا مازن عن اذنكم
( و تركتهم و ذهبت )
مازن / عاجبك كده اهى زعلت
رهف / والله ما اقصد انا كنت بعاندكم بس
مازن / ماشي يا جزمه روحي صالحيها وانجزى يلا علشان نفطر و اياك تنزل و هى لسه زعلانه
رهف / ( و هى تغلق الباب فى وجهه ) امشي ياض
( ذهبت رهف الى منار جلست بجوارها و ادارت منار وجهها )
رهف / ياتى حلوه زحلانه . .
منار / رهف بس ما تتكلميش معايا . .
رهف / الله دا بجد بقا انتى زعلتى منى بجد . . .
منار / رهف انتى عارفه انى بتكثف و كل مره قدام مازن تفضلى تقلشي غلينا وانتى عارفه انى....يووه بس بقا . .
رهف / ( بمشا**ه ) بس ايه ما انا عارفه انك بتحبيه مش جديده عليا يعنى . .
منار / طب بتكثفينى قدامه ليه . .
رهف / يا ذكيه انا بوقعه لحد ما يجى فى مره يقولها صريحه . . .
منار / لا بلاش كده هو لو بيحبمى هيقولها من غير ما حد يوقعه . .
رهف / ماشي يا ستى مش هتتكرر تانى سماح بقا يا لمبى . . .
منار / خلاص يا نوسه مسامحك . .
رهف / ههههه بس انا مش مسامحه . .
منار ( و قد تزكرت ما فعلته ) / يا وجعتك السوخه يا ابا رشدى ( و قامت تجرى و اثناء جريها و هى تذهب خارج الغرفه ) اهرب يا ابا رشدى اهرب .
رهف / هههههههه والله مجنونه بس اختى الوحيده اعمل ايه بقا
( و قامت ل تغير ثيابها و لبست شوت جينس مع بلوز كت رفيع باللون الابيض و فردت شعرها مع سليبر سيمبل كانت رائعة الجمال . . . . . و ذهبت الى الشباب كى يتناولوا الفطور ف وجدت لؤي يرن عليها )
رهف / الوو . . .
لؤي / الو يا رهف انتى فين . . .
رهف / انا لسه جايه على البوفيه اهو . .
لؤي / لا تعالى على البحر هنفطر هناك . .
رهف / بتهزر صح . .
لؤي / ههه لا مش بهزر يلا بسرعه بقا . .
رهف / ثوانى اكون عندكم . .
( اغلقت الهاتف سريعا و ذهبت ف هى تحب تناول الطعام على البحر و لكن عندما ذهبت و جدت لؤي فقط )
رهف ( باستغراب )و/ الله امال منار و مازن فين
لؤي / انا قلت نسيبهم يفطروا لوحدهم و اهو نديهم فرصه يتكلموا . . .
رهف / معاك حق . . . طب ايه جايب فطار ايه
لؤي / تفتكري جايب ايه . .
رهف / امممم مش عارفه قول انت . .
لؤي / حايب كل حاجه بتحبيها . . .
رهف / كل حاجه كل حاجه . .
لؤي / اها كلها كلها . .
رهف / طب يلا لانى جعاااانه موووت . .
لؤي / هههه يلا . .
رهف / لا لا لا لا بتهزر دا انت مش سايب حاجه . .
لؤي / عيب عليكى يا بنتى . . .
رهف / لا عجبتنى . .
لؤي / يعنى انفع . .
رهف / جدا جدا . . . بس قولى عرفت منين كل الحاجات دى . . .
لؤي / مش قولتلك بإحساسي . . .
رهف / هحاول اصدقك و اقول ان مش منار اللى قايلالك ويلا بقا بطل كلام لانى جعااانه . .
لؤي / هههههه علطول كده جعانه . . .
رهف / اممممم هنلك بقا ونزعل من بعض اقوم احسن
لؤي / ههههه اقعدى يا بنتى ايه ما بتصدقي بهزر معاكى على فكره . . .
رهف / ماااشي اسكت بقا دعنا نأكل فى **ت . . .
لؤي / هههههه مجنونه ( بقلم سحر جاد ) . . .
. . . . . . . . . . . . . . . . . . . . . . .
عند منار و مازن . . . .
منار / هى رهف اتاخرت كده لى . . .
مازن / كلمت لؤي و قالى اخدها يأكلها على البحر . .
منار ( باستغراب ) / غريبه ما قالش لى طيب او رهف ما قالتليش لى . . .
مازن / مش عارف . . . يلا مش مهم تعالى نفطر احنا . . .
منار / اوكى يلا . . . .
مازن / اقعدى انتى و انا هجيبلك . . . .
منار / طب اجى اساعدك . . .
مازن ( بإبتسامه خ*فت قلبها ) / انا عارف انتى بتحبي ايه ما تقلقيش . . .
منار / ههه ماشي . . .
( ذهب مازن ل جلب الفطار ل منار ف هو يعرف انها تحب الفطور الخفيف قطعة توست مع المربي و القشطه مع كوب من عصير المانجو الفريش ف هو العصير المفضل لديها . . . . . فى هذه الاثناء رن هاتف منار . . . .
منار. ( بابتسامه ) / الووووو
. . . .
( منار و هى تدمع ) . . . . . . .
. . . . . . . .
يتبع . . . . . . .
( الاحداث لسه نوعا ما طبيعيه بس فى حاجه غلط فى النص مش مفهومه لى لؤي بيعمل كل دا علشان رهف و يوسف هينساها ازاى بالسهوله دى ما هو النسيان مش سهل و منار مين كلمها خلاها تزعل . . . . هنعرف كل دا الفصل الجاى تابعوا الروايه و اعملوا فولوا علشان يولكوا الفصول علطول . . . . . . . .
( بقلم سحر جاد )
- Writer
