Hindi umuwi kaagad si Elara at nagpalusot siya na gagala sila ng kaniyang kaibigan upang maglibang. Ngunit ang totoo, doon muna siya mananatili sa bahay ni Clifford. Maglalandian silang dalawa. Nami-miss niya rin kasi ang binata kapag hindi n'ya ito kasama. Lalo na kapag wala siyang ginagawa sa counter at nakaupo lang doon.
"Ayos ka lang ba? Bakit parang ang lungkot mo yata?" malambing na tanong sa kaniya ni Clifford.
Katatapos lang nilang dalawa pagsaluhan ang mainit na sandali kaya kapwa sila nakahubad. Wala ng hiya pang nararamdaman si Elara. Kaya hindi na siya nagtataklob ng kumot upang ikubli ang kaniyang hubad na katawan. Ganoon din naman kasi si Clifford. Komportable na sila sa isa't isa.
"Ayos lang ako. May naisip lang ako," tipid na wika ni Elara.
Bahagya siyang nagulat nang h
