Tatlong araw ang lumipas simula noong huling magpunta si Clifford sa tirahan ni Elara, hindi pa nagme-message ang binata sa kaniya. Medyo naiinis siya dahil wala itong paramdam sa kaniya ngunit naiisip niya sa kabilang banda, mas mainam na iyon para hindi na sila maging close pa masyado sa isa't isa. Para hindi na niya hanap-hanapin pa si Clifford.
"Nagpunta na ba dito si Clifford, ate?" tanong ni Elara nang puntahan niya ang kaniyang ate sa bahay nito.
"Oo kahapon. May inasikaso sila ni Clyde. Bakit?"
'Letseng iyan! Hindi man lang nagsabi sa akin na nagpunta pala siya dito! Ano ba ang eksena niya? Nagtatampo siya? At bakit? Dahil nag-dinner kami ni Sean? Pakialam niya ba? Hindi ko naman siya boyfriend!'
"Wala naman. May itatanong lang sana ako. I-message ko na lang siya. Ahm... nga pa
