"Wow! Ang ganda rin ng inuupahan mong ito, ah. Sulit din ang bayad mo. Malinis at may sarili ka pang gate. May screen din para kapag gusto mong buksan ang pinto, hindi papasok ang mga lamok at langaw. Puwede ba ako minsan na matulog dito?" wika ni Dahlia habang pinalilibot ang tingin sa loob ng bahay na iyon.
"Oo naman. Hindi na ako magigising ng maaga masyado dahil lalakarin ko na lang. Kaunting lakad tapos tawid lang, iyan na ang mall. Diretso na sa bookstore. Mabuti nga nakuha ko agad ito. At least, wala na akong problema. At kahit magpunta ka pa dito palagi, hindi ako maiilang at mahihiya sa ate ko."
"Sabagay, kahit ate mo iyon nakakahiya rin talaga. Ang bait din ng ate mo, 'no? Instant kompleto ka agad sa gamit. Wala ka na yatang dapat pang bilhin eh. Kompleto ka na agad. Ang laki p
