"Good morning! May dala akong pagkain para sa inyo. Galing kay Clifford. Hindi kasi siya makakapunta ngayong araw dahil nakabantay ang asawa niya. Kaya ako na lang ang nagdala," nakangiting wika ni Rain nang pumunta siya doon.
"Salamat, Rain. Pasensya ka na kung napag-uutusan ka pa ni Clifford. Nakakaabala pa kami sa inyo... sa iyo," ani Janica.
"Ayos lang. Bayad ito!" tumatawang wika ni Rain.
"Seryoso? Binabayaran ka ni Clifford para gawin iyan?"
Tumawa ng malakas si Rain. "Aba, syempre! Wala ng libre ngayon 'no! Lahat may bayad! At saka hindi naman ako nagpapabayad talaga. Siya ang mapilit. Hinayaan ko na. Alam mo namang mas mayaman ng ilang beses ang lalaking iyon kaysa sa akin. Kaya walang kaso sa kaniya kung magbabayad siya."
Inilapag ni Rain sa mesa ang mga dala niyang pagkain b
