"Napapadalas yata ang uwi ng asawa mo ng gabing-gabi. Saan ba siya nagpupunta?" tanong ni Dahlia.
Siya na ang naging yaya ng kanilang anak na si Everson. Mas gusto niya pang maging yaya kaysa magkaroon ng ibang trabaho dahil mas malaki pa ang sinasahod niya at libre pa sa lahat.
"Sa kaibigan niyang si Rain. Madalas na ngang amoy alak siya tuwing umuuwi. Hindi ko alam kung bakit bigla siyang nahilig uminom. Eh kapag may problema siya, doon lang siya umiinom," wika naman ni Elara.
Nakatanaw siya sa labas, mula sa bintana ng kanilang kuwarto. Alas diyes na ng gabi ngunit wala pa rin ang kaniyang asawa. Madalas ang uwi nito ay alas onse na ng hatinggabi. Ngunit ang dating uwi ni Clifford ay ala syete ng gabi. Biglang kinabahan si Elara. Isang linggo na rin ang lumipas simula nang maging gan
