"Daddy! Nasaan si Sean? Wala ito sa bahay niya. Saan siya nagpunta? Wala man lang siyang text o message sa akin!" kinakabahang wika ni Lara.
Mahinang tumawa ang kaniyang ama. "Bakit alalang-alala ka ba sa lalaking iyon? Baka nakakalimutan mong may asawa ka na. At isa pa, ano ba ang mapapala mo sa lalaking iyon eh naubos na rin ang yaman nila? Normal na tao na lang sila ngayon. May negosyo pa rin naman pero hindi pa nakakaahon. Kaya kung ako sa iyo, i-focus mo na lang ang atensyon mo sa asawa mo. Si Clifford dapat ang mahal mo!"
Nanginginig sa galit si Lara habang nakatingin sa kaniyang ama. "Sinunod ko ang gusto niyo! Sinunod kong pakasalan si Clifford para maiahon mong muli ang bumagsak mong negosyo! Isinantabi ko muna ang kaligayahan ko para sa kagustuhan niyo tapos ganito lang ang sas
