"Ang sipag naman nitong kaklase mo. Natutuwa ako sa kaniya. Naaalala ko iyong sarili ko noong dalaga pa ako. Ganiyan na ganiyan ako. Ginagawa ko ang lahat para magkaroon ng pera," wika ni Elara sa kaniyang anak.
"Naisip ko po kasi na baka hindi niya tanggapin kung bibigyan ko lang siya ng pera. Sa pagkakaalam ko po kasi ang gusto nya, pinaghihirapan niya ang perang makukuha niya," saad ni Everson.
Ngumiti ang kaniyang ina. "Ganiyang babae dapat ang mapangasawa mo, anak. Mas gusto ko ang babaeng laki sa hirap. Kasi alam namin kung gaano kahalaga ang bawat sentimo. At alam namin kung paano magpahalaga sa kahit anong bagay. Kaya naman masaya ako na mayroon kang kaibigan na katulad niya. Ako na ang bahala sa kaniya mamaya. Lalakihan ko ang bigay ko sa kaniya para lalo siyang ganahang magtrab
