(? دمعه حزن ?)

✨المقدمه ✨ أمضيتُ عمري أفني في كثير من اللهو واللعب، كنت دائما طفلة أمي ومدللة ابي، ولكن كل هذا فني وانتهي، رمشت بعيني فوجدت كل ذلك هباءً، أين أنا ... هذا ليس عالمي .. امضيت عمري ابحث عن السعاده .. وبعد كل ذلك تتركني وتذهب .. انا لا استحق ذلك .. ولكن تبا للقدر .. تبا لكل شئ غير حياتي .. ولكني علي الرغم من ذلك علي يقين ان هناك شئ ينتظرني ولكن لا اعلم كيف ذاك !!!!! .. رايكم يهمني ?✨ Noha kotp. ✨وصف الاشخاص ✨ حياه فتاه تبلغ من العمر ١٨عام مرحه وخجوله ولطيفه كالاطفال وحيده والديها تمتلك عيون رماديه وشعر اشكر كالون الشمس و قصيره في الطول تدرس في المرحلة الثانويه و تعشق الرسم ✨ معتز السمرى ✨ والد حياه يبلغ من العمر ٤٣عام احد اكبر رجال الاعمال ويمتلك شركه السمري للغزل والنسيج شخص هادئ وحنون مع اسرته يعشق صغيرته ويدللها ✨منال حجازي ✨ والده حياه تبلغ من العمر ٣٧عام وهي حساسه وخجوله وهادئه حياه تشبها كثيرا في بعض من طبعها وتصرفاتها اللي بيسال علي البطل هيظهر مع اشخاص جديده بس مش دلوقتي⁦ Noha kotp ♥️ روايه دمعه حزن البارت الاول عمرك جربت تشتاق لشخص ما له اى وجود بالحياه؟.. إسمه ما بقاش يتقال !... طيب جربت كل ما حكيت عنه وبقيت يقولوا لك ادعي له بالرحمه؟.. وتنادي وانت عارف انه مش هيرد بس تتمنى تسمع صوته، في تمام الساعه الثالثه فجرا في القاهره في فيلا السمري في غرفه حياه استيقظت حياه علي حلما اصبح يتكرر من وقت وفاه والديه حياه. ( ماما ......بابا ..... متسبونيش خدوني معكم) استيقظت حياه على صوت الذي كان يناديها وكان هذا الصوت صوت فاطمة فاطمه. (حياه حياه حياه اهدى يا حبيبتي ده حلم) حياه ببكاء شديد ( انا تعبت اوى يا داده نفسي اروحلهم بقى يا رب والنبي خدني عندهم بقى وحشوني اوى ) فاطمه. (بعيد الشر عليك يا حبيبتي اهدي بس خدي اشربي ) حياه............ فاطمه (تفتكر هم هيكونوا فرحانين وهم شايفينك كده) طبعا كلكم بتسالوا دلوقتي مين هي فاطمه... فاطمه الداده بتاعه حياه وهي موجوده مع حياه من وهي صغيره حياه بتحبها جدا ومتعلقه بيها وهي كمان بتحبها زي بنتها بالضبط نرجع ثاني.... فاطمه.... (قومي يا حبيبتي يلا اغسلي وشك ويلا بينا عشان نصلي الفجر) حياه وهي بتمسح دموعها...(حاضر يا داده) في مكان اخر.... ........(صباح الخير يا زياد يا حبيبي) زياد يضيق. (صباح النور يا فريده) فريده باستغراب (ايه ده في ايه مالك يا حبيبي ايه اللي مضايقك كده) زياد (في مشاكل في الاجراءات بتاعه الشركه) فريده بقلق (مشاكل.. مشاكل اى مش احنا خلاص خلصنا من المشاكل) زياد ..(هو احنا هنخلص من المشاكل طول ما البنت دي موجوده مش عارف هي مسافرتش معهم وماتت ليه وخلصنا منها هي كمان) فريده بخوف (بس اهدا لحد يسمعني كل حاجه واحده واحده و هنخلص من المشكله دي قريب) صوت طرقات على الباب..... فريده بخوف ( مين تفضل) فاطمه ( انا يا مدام فريده....) فريده ( تعالى يا فاطمه في ايه.....؟) فاطمه (الفطار جاهز...) فريده( حياه صحيت...؟) فاطمه ( ايو من بدري) فريده ( طيب روحي واحنا جايين حالا) Noha kotp ♥️✨ روايه دمعه حزن ? "انا لست بخير....... هناك شيء يخنقني بالداخل ودمع يقف على اطراف عيني حتى قلبى يؤلمني بشده " بعد وفاه والد وولدته حياه انتقل السيد زياد وزوجته للعيش مع حياه اعرفكم مين هو زياد ✨زياد السمري ✨ الاخ الاصغر لمعتز السمري يبلغ من العمر ٣٨عام يعمل في الشركه التي كان يمتلكها معتز شخص حقود وغيور لا يحب الخير لاحد ✨ فريده عز الدين ✨ تبلغ من العمر ٣٥عام امراه قويه تهتم بمظهرها كثيرا تمتلك عيون عسليه وشعر اسود طويل وهي متوسطه في الطول في غرفه حياه بعد انا ادت فريضتها سمعت صوت طرقات على الباب حياه......( اتفضل) دخلت فاطمه...(حياه يلا يا حبيبتي الفطار جاهز) حياه ...( مش عايزه ) فاطمه بحزن ( لا يا حبيبتي مش هينفع كده لازم تاكلي ده انا حتى خلتهم يعملولك الاكل اللي انتى بتحبيه) حياه...( ماليش نفس يا داده) فاطمه ( لا يا حبيبتي مش هينفع كده عشان خاطري ده انتى مكالتيش حاجه بقالك يومين ) حياه بدموع ( صدقيني ماليش نفس لاي حاجه خالص ) فاطمه وهي تحتضنها بين ذراعيها ( طيب اهدي يا حبيبتي ) حياه بكاء شديد ( صدقيني مش عارفه مش عارفه اكمل حياتي ....عادي وهم مش موجودين فيها .....عارفه يعني ايه تفقدى كل حاجه كانت موجوده في حياتك فجاه...... انا تعبت اووي يا ريتني كنت اعرف اللي هيحصل كنت ......كنت رحت معاهم على الاقل مكنتش هبقى لوحدي دلوقتي .....انا تعبت اووي بابا قال هيرجعوا بسرعه بس .... ) عوده للوراء حياه (بابا داده فاطمه قالتلي ان حضرتك عايزني ) معتز (ايوه يا حبيبتي تعالى بصي يا حياه يا حبيبتي احنا مضطرين نسافر امريكا) حياه بفرح ( بجد يا بابا ثانيه واحده وتكون الشنط بتاعتي كلها جاهزه) معتز (بس يا حبيبتي المره دي انتى مش هتسافرى معانا) حياه بحزن (طيب ليه.....) معتز ( انتى عارفه ان الامتحانات بتاعتك قربت عشان كده مش هينفع تيجي معانا بس متقلقيش احنا مش هنتاخر هم يومين بالكتير و هنرجع على طول ) حياه بحزن ( بس يا بابا......) قاطع كلامها معتز ( متقلقيش يا حبيبتي انتى مش هتبقى لوحدك داده فاطمه معاكي و اونكل زياد وطنط فريده هيجوا يزوروكي من وقت للتاني) حياه بحزن (طيب انتو هتسافرو امتى...؟) معتز ( النهارده الساعه ٨ بالليل) حياه بصدمه ( بالسرعه دي) معتز (اسف يا حبيبه بابا بس انا معرفتش ميعاد الطياره اللي النهارده بس احسن عشان نسافر ونرجع بسرعه صح ولا اي) حياه بكاء وهي تحتضن والدها ( هتوحشني اووي يا بابا ) معتز بحزن على صغيرته ( انتى كمان هتوحشيني اووي يا حبيبه بابا ) استيقظ حياه من شرودها علي صوت فاطمه..... فاطمه وهى تمسح دموع حياه( عشان خاطري اهدى يا حبيبتي متقطعيش قلبي عليكي ادعلهم يا حياه يا حبيبتي وبلاش العياط ده انتى كده بتعزبيهم معاكي يلا يا حبيبتي قومي كده استهدي بالله اغسلي وشك على ما اروح اجيبلك الاكل بلاش تنزلي ) حياه................. في غرفه زياد وفريده فريده ( يلا يا حبيبي ننزل نفطر وما تقلقش كل حاجه هتبقى كويسه) زياد بتنهيده (ياريت بقى انا كنت فاكر ان كل حاجه اتحلت) فريده ( مش انت رايح تقابل المحامي النهارده اكيد عنده حل للمشكله دي ) زياد بغضب..(بتمنى يكون عنده حل عشان لو مش عنده حل للمشكله دي هشيله من على وش الارض) فريده (بخوف ان شاء الله عنده حل متضايقش نفسك انت بس) نزل زياد وفريده عشان الفطار فريده شافت فاطمه فريده ( فاطمه......) فاطمه (نعم يا فريده هانم) فريده باستغراب ( ايه ده هي حياه مش هتنزل ولا ايه) فاطمه (لا هي تعبانه شويه فانا قلت اجيبلها الفطار في الاوضه) فريده (ماشي تمام نفطر وابقى اطلع اشوفها) فاطمه (تؤمري بحاجه تاني يا فريده هانم) فريده (لا روحى انتى يا فاطمه) فاطمه .......... زياد (في ايه يا فريده) فريده (لا يا حبيبي مفيش حاجه مهمه متشغلش بالك دي حياه تعبانه شويه فاطمه اخدتلها الفطار على اوضتها) زياد بلامبالاه (ماشي.) في غرفه حياه عوده للوراء حياه ( ماما.......) منال ( حبيبه ماما تعالى حمد لله على سلامتك يا روحي) حياه وهي تحتضن والدتها ( الله يسلمك يا ماما وحشتيني اووووووى) معتز ( ايه ده بقى هى ماما بس اللي وحشتك ولا ايه..) حياه بمرح (لا طبعا يا حبيبي انتى كمان وحشتني اوى) معتز (اذا كان كده انا عايز حضن كبير اووووووى) حياه وهي تحتضن والدها ( اكبر واحسن حضن لحسن بابا فى العالم) معتز ( الله ..... ربنا يخليك ليه وميحرمنيش ابدا منك يا روح بابا) حياه وهي باين أحضان والدها( و لا يحرمني منك يا حبيبي) معتز وهو يقبل جابهة صغيرته بحنان ( يلا يا حبيبه بابا غيري هدومك وتعالي عشان الغداء) حياه ( حاضر يا بابا) استيقظت حياه من شرودها على صوت طرقات على باب غرفتها حياه وهي تمسح دموعها..... ( اتفضل...) دخلت فاطمه الى الغرفه وهي مبتسمه (يلا يا حياه يا حبيبتي ده انا عملالك شويه بيض اومليت من اللي انتى بتحبيه هيعجبك اوي ) حياه ( برده يا داده انا قلت لحضرتك ان انا ماليش نفس) فاطمه (اه يا اروبه انا فهمتك انتى عايزاني اكلك زي زمان ماشي يا ستي و انا موافقه هو انا عندي كم حياه يلا افتحي بوقك الطياره رايحه فين هههه يلا اااااااااه..) حياه بتسامه صغيره وهي تفتح فمها( اااااااه.....) فاطمه (شطوره يلا واحده كمان ) حياه وهي بتحرك راسها يمين وشمال بمعنى لا فاطمه (لا عشان خاطري دي بس يلا قولي اااااااه..) حياه بابتسامه ( ااااااااه........) فاطمه (يلا دي كمان....) حياه ( لا والنبي يا داده كفايه كده ....) فاطمه ( كفايه ايه بس انتى لسه اكلت حاجه بس خلاص ماشي مش هضغط عليكى يستي بس تشربي العصير) حياه باستسلام ( حاضر......) صوت طرقات على الباب حياه ( اتفضل.....) فريده ( صباح الخير يا حياه يا حبيبتي) حياه ( صباح النور يا طنط فريده) فريده لفاطمه ( فاطمه.. روحي انتى عايزه اتكلم شويه مع حياه حبيبتي ) فاطمه (حاضر يا هانم) بوووووم اكيد كلكم عايزين تعرفوا فريده عايزه ايه من حياه......؟ وايه هي المشكله اللي مضايقه زياد للدرجه دي....؟ كل ده هتعرفوه في البارت الجاي انتظروني ♥️ متنسوش تقولولى رايكم في البارت ✨ Noha kotp ♥️✨