Pagkagising ni Belle ay wala na si Jarren sa tabi niya. Suot na rin niya ang tshirt ni Jarren at ang boxer nito tapos ay natatakpan pa ng kumot ang pang-ibabang katawan niya. May mga damit naman siya pero gusto ni Jarren ay damit nito ang isinusuot sa kanya pagkatapos nilang magtalik na lihim namang nagdudulot sa kanya ng kilig.
Bumaba na siya sa kama at pagkatapos ay naligo na siya. Sakto namang pagkabihis niya ay may sunud-sunod na katok sa pinto ng kwarto nila.
Bumukas din naman agad iyon at sumalubong sa kanya ang mga nakangiting mukha ng mag-aama niya.
“Good morning, Mommy!”
“Good morning, Mom!”
Sabay na bati sa kanya nina Jasper at Pauline at magkasunod ang mga itong lumapit sa kanya at humalik sa pisngi niya.
Nakasunod naman sa mga ito si Jarren at humalik din ito ng mabil
