Pagkatapos ng wedding ceremony ay kay Arthur na rin ako sumakay. Iniwan na kasi ako nina kuya na tila sinadya iyon para isabay ako sa lalaking ito. Ang awkward tuloy at wala kaming naging imik hanggang sa makarating kami ng isang hotel, kung saan ang venue ng kainan.
Napakunot-noo pa ako nang makitang pamilyar ang hotel na ito. Kung hindi ako nagkakamali ay ito ang hotel na pinapalakad ng dad ni Ycos. Kung ganoon, dito pala ang venue. Hindi ko man lang iyon napansin. Hindi ko rin naman kasi binasa ang lahat ng nakasulat sa invitation card.
Nang makapasok kami sa loob ng venue ay sumalubong sa akin ang lamig ng paligid dahil sa aircon. Umupo ako sa unang table kung nasaan sina Tan, Mark, at Kale. Sinalubong nila ako ng yakap at agad din na kumawala. Napatingin ako sa likod ko at nakita s
