Huling linggo na ng practice namin ay mas naging tense pa ang pakiramdam ng bawat isa. Kahit akong sanay na sa ganitong industriya ay nakakaramdam pa rin ng kaba. Ako na lang ang naiwan dito sa rehearsal studio para ipagpatuloy ang page-ensayo.
Pinanood ko ang sarili ko sa malaking salamin na nasa harap ko habang ginagawa ang steps sa act four ng Swan Lake. I was about to do the pirouette pero nawala ako sa balanse at bumagsak ako sa sahig. Napahawak ako sa paa ko dahil sa sakit ng pagkakasiklo.
Kasalukuyan ko iyong hinihilot nang may marinig akong sunod-sunod na yabag ng paa. Napatingin ako sa salamin at nakita ko roon ang repleksyon ni Gilbert. Iniluhod niya ang kaniyang isang tuhod at seryoso lang na iniikot ang ankle ko. Napaungol at napapikit ako sa sakit nang bigla niya iyong hig
