NYX
Sarap na sarap ako sa kinakain kong ice cream habang nanonood ng movie. Yumuko ako at napatingin kay Priam na ginawang unan ang mga hita ko. Hinahaplos niya ang umbok sa tiyan ko habang hawak sa isang kamay ang inaaral niyang kaso. Napangiti ako at saka binalik ang tingin sa pinapanood. Every weekend ay nandito na siya maghapon sa condo. Dito na rin siya halos natutulog lalo na kapag ginagabi siya sa pagpunta dito.
Hindi ko matukoy kung kailan kami eksaktong naging malapit ng todo sa isa’t-isa. Pagkatapos na may nangyari ulit sa amin ay medyo awkward pa rin kami sa isa’t-isa. Pakiramdam ko ay pareho kaming nag-aadjust pa noong una pero ngayon ay sobrang komportable na ako sa kanya at nararamdaman kong ganun din siya sa akin.
“Naiintindihan mo ba yang binabasa mo?” tanong ko sa kanya
