NYX
Bago ako pumunta sa handler na nag offer sa akin na maging model sa Germany ay may dumating na package para sa akin. Dito pa sa hospital naka-address kaya nakakapagtaka. Kumunot ang noo ko nang marinig ang pangalan na binanggit ng guard na nagdala ng package dito sa clinic ko.
“Galing kanino ho ‘tong package?” Hindi makapaniwala na tanong ko. Hindi ko matanggal ang tingin sa maliit na box na hawak ko.
“Kay Dr. Prazia Revamonte ho, Doc.,” sagot ng guard kaya nag-angat ako ng tingin sa kanya. “Nabalitaan ko ho ang… masamang nangyari kay Doc. sa Germany,” sambit pa nito bago nagpatuloy sa pagsasalita. Huminga ako ng malalim.
Kahit na ilang beses ko pang marinig na wala na si Zia ay hindi ko magawang paniwalaan lalo na at kahit ang pamilya niya ay hindi ipinakita man lang sa akin ang b
