HINDI naman maalis sa isipan ni Voltaire si Eloise. Maaga siyang pumunta sa ospital kanina upang ihatid ang dala niya na siguradong magugustuhan ni Eloise.
Hindi niya inasahan na ang ina pala nito ang kasalukuyang nagbabantay. Hinatid niya lang ang dala niyang paper bag at sinabing babalik siya mamaya upang bisitahin ang dalaga.
Habang naging usap-usapan naman sa loob ng skwelahan ang insidenteng nangyari sa dalawang dalaga. Kasalukuyang kumakain ng tanghalian ang apat na lalake sa cafeteria.
Hindi naman maitsura ang mukha ng mga ito dahil halatang kanina pa gustong lumabas ng apat na lalake upang magtungo sa ospital. Gustuhin man ni Voltaire na lumiban sa klase, hindi niya na lang ginawa. Dahil alam niyang magagalit si Eloise pag nalaman nito na nag-cut siya sa klase para lamang maa
