NAKABILOG na umupo sina Eloise, Jianne, Arkie, Drexiel, Cris, at Voltaire sa damuhan, habang nasa harapan naman ni Eloise si Voltaire na siyang kanina niya pa tinitignan. Pilit pa rin na bumabagabag sa kanyang isipan ang lahat ng sinabi ni Livia. Ito ang kanilang huling araw ngayon dito sa malaking bahay. Bilang panghuling araw nila, hinayaan sila ng kanilang guro na gawin ang kanilang mga gusto.
Habang nakalibot ang magkakaibigan, nasa gitna naman nila ang maraming pagkain na siyang kanilang dala no’ng unang dating pa lang nila at ang apoy na kanilang ginawa kanina.
Nagkalat ang buong estudyante sa iba’t-ibang sulok ng lugar at mayroon din silang bonfire. Kanina pa nag-uusap ng mga nakakatawang kuwento ang mga kaibigan ni Eloise pero hindi niya man lang magawang ngumiti kahit na ito ay
