The Prank Explosion
Hindi ko alam kung ano ang nararamdaman ko sa oras na ito. Ang plano ko lamang ay pumasok sa trabaho at umuwi ng bahay kapag tapos na ang shift ko. Biglang nagparamdam na naman sa akin si Napoleon Ardente, at nagbalik siya para singilin ako sa hindi ko malamang kasalanang nagawa ko sa kanya. Ako nga itong naagrabyado pero bakit ako pa itong dapat na matakot? Napakamailap niya sa batas kaya hindi ako matahimik. Hangga't nandiyan siya at gumagala sa paligid, hindi ako magiging ligtas. Ang aga naman niyang takutin ako. Madaling araw pa lamang.
Binaba ni Marco sa pasamano ang aking cellphone matapos ang nakakagimbal na tawag. Nanatili siya sa aking likod na nakikinig din kay Napoleon. Naramdaman ko ang kanyang hininga nang daanan niya ang aking pisngi para sa isang mababa
