Pebrero 15, 1899
Sa aking talaarawan,
Tulad ng aking plano, sinimulan ko ang aking Miyerkules sa mga manggaang pinitas namin ni Hereneyo sa kanilang hacienda.
Inuna kong gayatin sa pahabang hugis ang mga mangga upang maibilad ko ito, kapag sumikat na ang araw, inihanda ko narin iyong mga buto, para ilalabas ko na lamang iyon.
Nang makaalis sina itay ay saka ako umalis ng bahay upang magtungo sa mga Americano, ngunit sa daan pa lamang ay marami na ang bumili sa inilalako ko. Palibhasa kasi napakalalaki at hinog na ng mga mangga kaya kay sarap niyon sa mata pa, maraming naengganyong bumili dahil doon. Tanging limang piraso na lamang ng mangga ang aking naialok sa mga mamimili kong Americano na ikinatuwa parin ng mga ito at humiling pang ramihan ko sa susunod.
Limang piso ang kinita ko s
