Enero 15, 1899
Sa aking talaarawan,
Paumanhin dahil hindi ako nakapagkuwento saiyo kagabi. Sa pagod ko kasi ay nakatulog ako kaagad at hindi na nakapag-sulat pa.
Maraming nangyari kahapon, talaarawan. Ipinagkaloob sa akin ng Diyos ang pinagdasal ko sakanya noong ika-labing tatlo ng Enero. Iyon iyong magandang takbo ng araw ko.
Tutal ay hindi naman ako nakapagkuwento sayo kahapon ay ngayon ko na lang iyon isusulat sa iyo, talaarawan.
Tulad ng karaniwang araw ay maagang umalis sina inay at itay upang makisaka sa mga may ari ng hacienda rito sa Pasacao.
Kamote ang inialok ko sa mga Americano at malugod naman nilang tinanggap at binili iyon mula sa akin. Nagtanong pa ang mga dayuhang iyon kung paano lutuin at kainin ang Kamoteng ipinagbili ko. Turo ko ay ilaga lang nila iyon para makain
