PAGSAPIT ng alas-dose ng tanghali ay nagmamadaling inayos ni Mabel ang kanyang mga gamit. She was giddy with excitement. Hindi na siya makapaghintay na makita at makasama si Kellan. Wala siyang dalang packed lunch nang tanghaling iyon dahil may usapan na sila ni Kellan. Sa cabin na siya magla-lunch. Pagkatapos ay hindi na siya babalik sa trabaho. May pupuntahan sila ng binata.
Kahapon ay hiniling ni Kellan na sana ay huwag nang pumasok si Mabel sa hapon. Ayaw sana niyang pumayag. Ayaw niyang maging iresponsable. Kahit pansamantala lang ang trabaho niya sa habian, nais niyang mag-iwan ng magandang impresyon. Ngunit half day lang ang hinihingi ng binata.
“I just wanna be with you.”
Kinausap pa ni Kellan ang kanyang amo at ipinagpaalam si Mabel. Pinayagan naman siya. Dahil medyo nahihiya,
