INABALA ni Mabel ang sarili sa lumang wooden weaving loom ni Lola Celestina pagkatapos ng mahabang pag-iyak. Sinubukan niyang huwag gaanong mag-isip. Nakipagkuwentuhan siya sa mga kapatid at nakisama sa lahat ng maisip na aktibidad ng mga ito. Nakatulong nang malaki ang presensiya ng pitong kapatid. Kahit heart broken siya, hindi naman niya nararamdaman ang pag-iisa.
Nakahiga na si Mabel at naghahanda na sanang matulog nang tumunog ang kanyang cell phone. Isang mensahe galing kay Kellan ang pumasok.
I’m outside.
Iyon lamang ang nakalagay sa text message nito. Hindi sinabing lumabas siya upang makapag-usap sila. Ipinapaalam lang ng lalaki na nasa labas ito at kung nakahanda na siyang pakinggan ang mga sasabihin nito ay maaari siyang lumabas. Sandali lang siya nag-isip.
Habang isinusuot
