"Maraming salamat pala sa mga libre mo sa akin. Sa susunod, hindi mo na ako kailangan pang ilibre. May pera naman ako kahit papaano," wika ni Hazelle nang makipag-usap siya kay Mike.
"Ayos lang iyan. Ako ang nagyaya sa iyong lumabas kaya dapat lang na ilibre kita. Matanong lang kita, may boyfriend ka ba?"
Humaba ang nguso ni Hazelle. "At bakit mo naman tinatanong? May balak lang landiin ako 'no?"
Tumawa ng malakas si Mike. "Ang kapal mo naman! Tinanong ko lang kung may boyfriend ka, iniisip mo na agad na lalandiin kita? Gusto ko lang ng kaibigan no!"
Umirap si Hazelle dahil napahiya siya. "Letse! Baka isang araw baliw ka na pala sa akin. Hindi kita sasagutin sinasabi ko na sa iyo."
Ginulo ni Mike ang buhok niya. "Huwag ka ngang abnormal diyan, Hazelle. Hindi naman porke mabait ako sa
