Kabanata Dalawampu: Space
Gusto ‘atang mag-somersault ng puso ko dahil sa tuwa nang marinig na sabihin iyon ni Bryan. Hindi ko alam pero sobrang saya ng pakiramdam ko sa mga oras na ito. Ganito ba talaga kapag nararamdaman mong gusto ka rin ng taong gusto mo? Kung ganoon, sana ay habang buhay na lang ito at hindi na mawala pa.
Maliwanag pa ngunit papalubog na ang araw. Walang ibang tao sa bakanteng lote na kinatatayuan namin ngayon at malapit lang ito sa school. Walang bahay na nakatayo rito at tahimik ang buong paligid. Nagtataka ako kung paanong nakaalis agad ang mga kaibigan ko nang hindi sila nakikita.
“Paano mo nalaman ang lugar na ito, Bry?” Nilibot ko ang aking paningin sa buong paligid.
May mga nagtataasang puno rito sa bakanteng lote at iyon ang ginamit ni Bryan pa
