TPOV:
MABILIS na kumalat sa internet ang karera nila Jenny at Alex sa tulong ni Messy. Walang kaalam-alam si Alex na may mga nagkalat na drone camera sa paligid ng village na minamanage ni Messy– ang isa sa mafia queen ng pamilya Madrigal.
Nakasunod sa dalawang sportcar ang ilang drone na kinukunan ang laban ng dalawa. Maging ang mga barkada nilang naiwan sa finish line, may ilang camera ding nakatutok sa mga ito. Lahat ng mga usapan ay nahahagip sa camera dahil hindi basta-basta ang drone na gamit ni Messy. Madalas nilang gamitin ang mga drone nila sa kanilang mga mission para masubaybayan ang kilos at plano ng mga kalaban nilang mafia.
Nalaman din ng publiko ang totoong salarin sa pagkaka-hit and run ng isang street vendor noong nakaraan na si Jenny ang inaakusahan. Na inosente ang
