TANGING ANG liwanag lang na nagmumula sa sasakyan n'ya ang nagsisilbing ilaw sa daang tinatahak n'ya ngayon. May ilang taon na rin ang lumipas no'ng huling n'yang pagdaan dito, apat? Lima? Hindi n'ya na matandaan ang haba ng panahon na pinili n'yang 'wag umapak sa bahay na 'yon.
Impyerno ang lugar na 'yon at dahil isa naman na s'yang patay na nabuhay ngayon ay may kaunting lakas ng loob na s'yang umapak sa impyernong 'yon. Hindi alam ng mga tao na nag-eexist ang bahay sa lugar na 'yon. Kahit kailan, wala pang ibang tao na nakapunta do'n.
Napangisi s'ya nang masilayan ang gate sa unahan. Isang malaking pasasalamat sa mga taong nag-alay ng kanilang mga buhay para magawa ang bagay na ito. Iisipin mo bang manirahan sa ilalim ng lupa? Tunog impossible, pero possible kapag mayroon ka ng lim
