part 1

2079 Words

بارت ' ١ ' تستمع للجهة الأخرى بنفاذ صبر، وهي تغلي من الغضب، و مما تسمع.. ....بحدة/ يعنى اى استقال و انا آخر من يعلم ..../ يا ملكة هو قدم استقالته و حاولت افهم السبب قال انه هيسافر و فكرت حضرتك عندك علم بالموضوع الملكة بغضب / تمام انا هتصرف و اخر مرة يحصل حاجة و متقولش يا غبى و أقفلت الخط بغضب و لبست ملابسها و نزلت قابلتها والدتها نور باستغراب / مالك يا غرام متعصبة لى غرام بغضب / يزن فين..؟ آدم / عمل اى تانى...؟ انتوا يا بنتى مبتزهقوش خناق غرام بغضب / يا بابا حضرت العميد قدم استقالته من الداخلية و مقرر يسافر وانا آخر من يعلم ورد بقلق / ايييييه ابنى هيسافر ليييه..؟ غرام / مش هسمحله انا هشوفه فين وافهم منه و خرجت بغضب من القصر ورد بخوف / بقولك اى يا نور حوشى بنتك دى ممكن تسبب عاهة لابنى و مش بعيد تقتل الواد نور ببرود / و انا مالى ياختى هما احرار مع بعض و بعدين انت عارفة بيتخانقوا و يتصالحوا .. مفيش جديد آدم / دا غير هما الاتنين لما بيتخانقوا بيبقوا زى التيران الغبى يدخل ما بينهم بس لى يزن قدم استقالته...! غريبة نور / اما يرجع هنفهم ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ فى عربية غرام بتسوق بغضب و اتصلت على شخص ما .. غرام / حدد لى مكان يزن حالا و سبب استقالته...؟ و مخبى اى...؟ ..../ طب اهدى دقائق و هجيبلك الخلاصة غرام / انجز يا جون جون / امرك يا ملكة و بعد دقائق جون بخوف / غرام غرام بقلق من نبرته / فى اى ...؟ يزن حصله حاجة جون / يزن................ غرام بغضب / اييييييييه ؟ هو فين دلوقتي جون / فى ديسكوو المعادي غرام بسخريه / ديسكو كمان صبرك يا يزن ان ما ربيتك يا حيوان... وقفلت الخط وقفت بالعربية خارج الديسكو و بتفتكر جون قالها ايه ... حست بألم فى قلبها و نزلت دمعة مسحتها بسرعة و دخلت الديسكو ببرود يجلس على طاولة فى يده الشراب لاول مرة يشربه و لاول مرة يأتي لمكان مثل هذا بهيئته الوسيمة و عضلاته التى جعلت بنات الديسكو كل تركيزهم عليه و عيونه العسلية المليانة حزن سمع صوت جنبه بص بصدمة يزن بصدمة / غرام... غرام ببرود / تعالى معايا برا يزن ببرود/ غرام سبينى فى حالى و ارجعى القصر غرام بهدوء قبل العاصفة / يزن سيب الزفت ال فى ايدك و اخرج قدامى برا يزن بعند / قولتلك لاء غرام و هى بتض*به بالبو** وقع اثر الض*بة المفاجأة له وتوقف الرقص و الاغانى و أصبح كل تركيز الجميع عليهم و همسات من الكل من تلك الفتاة فهى محجبة لا تليق بمكان كهذا و ملامحها ملائكية كيف لها ان تكون بهذه القوة غرام بحدة و عيون بطلع شرار / مش هعيد كلامى تانى يا يزن مش هخرج من هنا غير وانت قدامى فاااااااااهم و الا انت عارف انا ممكن اعمل اى يزن و هو بيقوم من الارض و بص حواليه و للفوضى ال سببتها غرام و مشى ببرود مشت غرام جنبه بنفس البرود وسط صدمة من فى المكان من سرعت تحولهم للبرود بعد الغضب ومن هيبتهم وشكلهم غرام ركبت العربية ويزن ببرود و **ت من الاتنين .... وقفت غرام امام البحر ونزلت وكذلك يزن يزن نظر للبحر بعنيه هربا من مواجهة غرام ... فهو يعلم انها تفهمه من عينيه... غرام بهدوء / ليه ...؟ يزن ببرود / حابب اسافر فترة غرام بسخريه / وال حابب يسافر فترة بيستقيل من شغله و اكتر حاجة بيحبها .. طول عمره يزن لا رد غرام بهدوء و قفت امامه / هتفضل مخبى عليا لامتى يزن بيبعد عيونه بتوتر / مش مخبى حاجة غرام / من امتى و احنا بينا أسرار ... من امتى بتهرب..؟ طول عمرنا بنفهم بعض من غير كلام.. فاكرنى مش ملاحظه انك متغير من فترة ... و لا فاكرنى مش ملاحظه تغيرك و محاولتك للهروب من مواجهتى .... بتخبي عيونك عشان عارف انى هفهم ... و لا فاكرنى كدة مش هحس بيك و بحزنك و ألمك .... فاكر لما قولتلك اننا شبه ماما و عمى زين بنحس ببعض من غير ما نتكلم بالرغم اننا مش تؤام زيهم و لا أخوات حتى لكن تؤام روح يزن بتوتر / غرام....أـنـ ا مش مخبى حاجة غرام بعصبية / هتفضل لامتى تخبى عليا و على ال حواليك يا اخى ع الاقل شاركنى على الاقل افهم انك لو خبيت عن العالم مش هتقدر تخبى عني ... يزن انت عارف انك روحي معقول مش هحس بيك .... و نزلت دمعة منها يزن مستحملش و قال بدموع / عايزانى اقولك اى .... حاولت اخبى عنك و عرفتى ... حاولت ع الاقل اتألم لوحدي ومشيلكش همى .... عايزانى اقولك ان اكتشفت ان عندى ورم خبيث فى المخ و مرحلة متأخرة و أيامى معدودة و ممكن اموت فى اى لحظة ..... و انا مش هستحمل انك تشوفينى بموت قدامك و ضعيف و هتتألمى غرام بدموع / اياك تقول كدة مش هسمحلك تبعد عنى ... هتتعالج و هتبقى كويس ... مفيش واحد فينا يقدر يعيش من غير التانى .... انت دايما بتقولى انى أ**جين حياتك متقدرش تبعد عنى ... انت بقا بالنسبالى مش الهوا ال بتنفسه بس ... انت نبض قلبى من غيرك اموت .... بص انا مش هجيب سيرة لحد فى القصر و هنسافر انا اعرف دكتور كويس جدا يزن بدموع / لا يا غرام مستحيل استحمل اشوفك بتتألمى .... انا خلاص حاسس بنهايتى مش هد*كى امل و لا هتعالج انا راضى بقدر ربنا .... مقدرش اسمحلك تتف*جى عليا و انا بموت بالبطئ غرام بغضب/ هتتعالج يا يزن و هنسافر سوا مش هنقول لحد و نسافر و هتتعالج فى اكبر مستشفى فى العالم ... هجيبلك احسن دكتور يزن بغضب/ لا يا غرام مش هتعالج مش هدى لنفسى أمل فى الحياة و اد*كى امل و مفيش نتيجة .... انا فى حالة متأخرة ... افهمى بقا غرام بغضب و صوت عالى / هتتعالج يا يزن ولو غصبن عنك .... انا مستعدة اكتفك و اربطك و اخدك بالعافية لو مرضتش فاااااااااهم ... انا مش بخيرك و لا باخد رايك .. انا بقولك ال هيحصل سواء رضيت او لا و انت عارف كويس ان الملكة تقدر تعمل اكتر من كدة يزن / غراااام عشان خاطري سبينى براحتى سبينى انا مش عايز بقا افهمى غرام / لا انت ال تفهم انك لو حاولت من هنا لبكرة مش هرجع عن كلامى ..... حاولت توقف غضبها و مسكت ايده و قالت بحنو يزن بصلى .... انا مستحيل اسمحلك تتألم لوحدك .... مستحيل اشوفك بتموت قدامى و اسكت عشان بغبائك فاكر ان خلاص مفيش أمل .... طول ما احنا عايشين و بنتنفس و طول ما عندنا ثقة في ربنا .... فى أمل ....... شاورت على قلبه ...... طالما دا بينبض فى أمل و مفيش شيء كبير على ربنا يزن بدموع / غرام انا تعباااان .... اوووى بجد ..... مخنوق بقالى فترة و انا بحاول اخبى عنك ..... حاسس ان حياتى اتقفلت ... تعبت اووى و انا بمثل البرود و انى بخير و انا مش بخير .... مش وجع جسدى بس قلبى تعبان حاسس ان القدر مخبيلنا حاجة .... حاسس اننا بنبعد .... و قلبى بيتألم وبقبضة فى ص*رى .... انا خايف عليكي و الله اكتر من نفسي ... زى ما يكون روحي بتبعد عنى و انت روحي غرام حضنته بقوة و قالت / ششش مش عايز اسمع كلام من دا .... و مش هنتكلم فى حاجة غير لما تبقا كويس ... انا واثقة انك هتعمل العملية و هتبقى كويس و نرجع زى الاول ... مش عايز اشوفك بالضعف دا تانى و لا اليأس والتشاؤم دا فاهم، و كملت بمرح..انت عارف كرم اخلاق منى مش هتخانق معاك و هعمل معاهدة سلام ما بينا ... و خلاص بقا يا عم خلتنى اعيط و هيبتى راحت ... يزن ببسمة خفيفة / انت اجمل حاجة فى حياتى يا غرامى بجد بشكر ربنا اننا اتولدنا فى نفس البيت و كبرنا سوا ... بشكره على وجودك غرام بغرور/ طبعا يابنى انا مفيش زى اتنين يزن بضحك / مغرورة اووووى غرام / من بعض ما عندكم ويلا بينا نرجع القصر عشان الوقت اتاخر يزن بصلها غرام قاطعته / متقلقش محدش هيعرف حاجة ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ بعد ربع ساعة وصلوا امام القصر ... غرام / انزل يلا و طبعا فهمت هتقول اى يزن باستغراب / أنتِ مش هتدخلي غرام / لأ مشوار صغير و راجعة يزن / مشوار اى احنا داخلين على نص الليل .... مش هسيبك تروحى فى حتة لوحدك غرام / يزن متقلقش فى شغل هعمله و مش هتأخر و مش هتيجى معايا انا مش صغيرة و بعدين انت هتقلق على الملكة .. اشهر عقيد فى الداخلية يزن / لا ما انا مش قلقان عليكي عارفك مفترية انا قلقان على هيطلع فى وشك .. امه داعية عليه غرام بغيظ / بقا كدة ... اخفى يا يزن بدل ما طلعهم عليك يزن / على ايه يا ختى انا داخل غرام / اتفضل يزن بقلق / غرااام غرام / متقلقش عليا بقا مال قلبك بقى ضعيف يزن حضنها جامد / خلى بالك من نفسك غرام باستغراب / مالك يابنى اى كمية المشاعر الفياضة دى ....... يزن انت كويس يزن و بيحاول يخفى قلقه / مش عارف حسيت ان عايز احضنك غرام / ماشى يا زينو اطلع ارتاح و انا مش هتأخر و طلعت بالعربية بسرعتها العالية المعتادة زين بص عليها لخد ما اختفت و دخل القصر ورد بطمئنان / يزن انت كويس يزن / انا كويس فى اى ورد / اصل غرام كانت متعصبة وطلعت تقابلك وقولت هتتخانوا كالعادة وترجعوا متش*هين يزن بسخرية / لا متخافيش كنا بتخانق خناق سلمى أدهم بحدة / اى حكاية الاستقالة و السفر دى يا أستاذ يزن / مفيش يا بابا دا طلب اجازة مفتوحة و هما فكروه استقالة و السفر دى حجة بس انا فعلا حابب أسافر اغير جو عن ضغط الشغل و المهمات و غرام هتسافر معايا آدم / يا سلام انتوا بتخططوا و بتقولولنا عادى كدا ... مفيش سفر ليك ولا ليها نور / اهدى يا آدم انت عارف غرام ع**دة ازاى سيبهم يسافروا .... بقالهم شهور مرتاحوش من المهمات و الشغل آدم / هى فين غرام اصلا مش كانت معاك يزن / قالتلى عندها مشوار تقريبا تبع القضية الجديدة و مش هتتأخر آدم بغضب / مشوار اى نص الليل واضح انها زادت اووى فى طريقتها نور بهدوء / آدم انت عارف بنتك مبيهمهاش وقت و متخافش عليها دى مهما كان الملكة بنت ال*قرب و الوحش ... آدم / الهانم مش بتسأذن حتى واضح ان دلعتها زيادة عن اللزوم اما ترجع بس لازم احط حد لتصرفاتها ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ فى عربية غرام غرام / ها يا جون بعت الملفات زى قولتلك جون / نعم سيدتى بعت التحاليل و الملف الخاص بـ يزن باشا لاكبر دكتور فى ألمانا لكن الاخبار مش كويسة غرام / انطق اخلص جون / الدكتور قال ان المرض فى مرحلته الاخيرة و نسبة نجاح العملية ضعيف بنسبة 20 فى المية و سألت اكبر الدكاتره و نفس الكلام و ... غرام بغضب / و اى اخلص بدل ما خلص عليك و الله جون بخوف / لو العملية فشلت هنخسر المريض غرام بغضب مكتوم وعيونها بقت مرعبة وازدادت غمقان / انزل جون بخوف / سيدتى انت بخير ... غرام بحدة / انزل جون / طب حضرتك هتروحى فين غرام / هنزل اسكندرية و ارجع قبل الفجر خلى بالك من القصر و الموجودين واى جديد بلغنى بيه جون / بس غرام بحدة / مش هعيد كلامى و انجز فى ليلتك السودة دى جون بخوف من نبرتها و نظرة عيونها / امرك يا فندم ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ بعد ساعة فى القصر آدم بغضب / الهانم الفجر هيأذن و هى برا البيت و تلفونها مغلق نور بقلق / انا مش مطمنة قلبى مقبوض يزن بخوف و بيحط ايده على قلبه / غرام مش كويسة .... انا حاسس ان حاجة حصلت و ........ يتبع .... ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ يا ترى يزن هيعمل العملية و هل ستنجح أم لا ؟ و ماذا ستكون ردة فعل الكل عندما يعرفون بمرضه ..؟ و هل غرام هتوافق يعمل العملية و هل هناك خطر على حياته ...؟ و هل أصاب غرام مكروه ...؟ هنعرف كل دا فى البارت الجاي ؟

Free reading for new users

Scan code to download app

App Store Google Play

Facebookexpand_more