Tinaasan ko siya ng kilay, "Kunwari naniniwala ako," sarkastikong sabi ko bago hinarap ang pagkain ko. Nakailang subo na ako pero nanatili siyang tahimik kaya naman nilingon ko siya.
Kunot na kunot ang kaniyang noo habang nakatingin sa akin na para bang isa akong bagay na hindi niya maintindihan. Inubos ko ang pagkaing nasa bibig ko bago nagsalita, "Problema mo?" tinaasan ko pa siya ng kilay para tarayan.
Sumandal lang siya sa upuan niya at pinaglaruan ang baso ng alak na hawak hawak niya habang nakatingin sa akin. Ipinagkibit balikat ko nalang iyon at tinuloy ang pagkain ko. Ayaw niyang sumagot, eh. Alangan namang pilitin ko.
Tinapos ko ang pagkain ko. Tumayo ako at hinugasan iyon. Pinunasan ko ang kamay ko at muling humarap sa kaniya, "Una na ako," paalam ko bago naglakad. Malapit na
