Akala ko ay katulad iyon noong una niyang pag-alis. Na dalawa o tatlong araw lang ay babalik din pero… ang dami niyang dalang maleta.
Nakatanaw kaming dalawa ni Milly sa pag-alis ng kotse ni Madame Sofia. Dala niya rin si Manong Rene kaya ibig sabihin noon ay pati ito ay mawawala rin ng mga isa o dalawang linggo. Hanggang sa tuluyan na silang nakaalis ay nanatili pa rin ako sa aking kinatatayuan.
Para lang akong nananaginip na kinausap ni Madame Sofia kanina. Ngayon, naging totoo na at umalis na nga.
“Clara? Huy, Clara! Tulala ka!” Pinitik ni Milly ang mga daliri sa aking mukha.
Napakurap-kurap tuloy ako. Nang harapin ko si Milly ay wala na ang kaniyang seryosong mukha dahil nakaukit na roon ang kaniyang malaki at nakakalokon
