Hans
"Class dismiss" sabi ng professor ko sa isang subject at nagpaalam na ito sa aming klase.
Pinasok ko na ang binder at tech-pen ko sa aking bag matapos ay tumayo na ako. Napatingin ako sa upuan na katabi ng upuan ko at ito ang silya ng kaibigan kong si Ivan. Napabuntong hininga ako ng maalala ko ito at malungkot na tuminging muli sa kanyang bangko.
Mag-iisang linggo nang wala si Ivan. Ano na kayang nangyari sa kanya? Ilang beses ko na siyang sinusubukang i-text at tawagan pero wala akong nakukuhang sagot sa kanya.
Nagsimula na akong maglakad at lumabas ng kwarto ng biglang may sumigaw at nagmamadaling pumasok sa aming silid at ito ay isa sa mga officer ng klase.
"Guys!" Panimula niya habang hinihingal pa ito. Napatingin ang lahat sa kanya miski ako na palabas na sana ng classroom.
