Hans
"AYAN! Hindi na ako nahirapang ayusan ka dahil maputi ka naman at ang linis-linis mo, hijo! Ang gwapo mo talaga!" Nakangiting sabi sa akin ng isang babae na nag-ayos at nag-make up sa aking mukha.
"Nako, thank you po, ate!" nakangiti at nahihiya kong pasasalamat rito matapos ay humarap ako sa salamin. Tinignan kong mabuti ang mukha ko sa replika nito. Habang malalim na nakatingin ay bigla na lamang sumagi sa aking isipan ang dati kong hitsura. May malaking salamin sa mata na pang-nerd, Jose Rizal hair style, maraming pimples, naka-braces at higit sa lahat ay hindi masyadong kaputian. Gano'n ang dating ayos ko na halos lahat ay inaayawan ako. Ayaw nilang makipag-kaibigan sa akin dahil sa gano'n ako tignan at gano'n ang mukha ko.
"Oh? bakit para yatang ang lalim ng iniisip mo, Buddy?
