Hindi maalis sa labi ko ang ngiti habang tinititigan ko ang gwapong maamong mukha ni Gileon.
Sumasayaw ang magulo niyang buhok kasabay ng hampas ng hangin mula sa bintana ng bus. Kahit pagod at kulang sa tulog ay napaka presko niya parin sa aking mga paningin. Lalo na ng masilayan ko ang mapula at malambot niyang labi at ang mga mata niyang nakakapang-akit.
"Sa susunod na babaan na tayo bababa, Hellina." Aniya habang hinawi nito ang ilang hibla ng buhok ko na magulo dahil sa hangin.
"Anong susunod na gagawin natin Gileon?" Tanong ko sa kanya at inayos rin ang buhok niyang magulo.
Kinantilan ako nito ng mabilis na halik sa labi. Pinamulahan naman ako sa ginawa niya.
"Ikaw talaga! Kahit dito sa bus hindi mo pinalalampas." Sabi ko.
Tumawa lang ito. "Ang ganda kasi ng girlfriend ko."
U
