Narito sila ngayon sa pinakamataas na bahagi ng isla, ilang metro ang layo mula sa mansyon. Tapos na ang labanan sa pagitan ng mga Salvadorian at ng police at military. Marami ang napatay sa kampo ng mga Salvadorian, ang mga natirang buhay ay naposasan na rin. Mangilan-ngilan sa panig ng awtoridad ang nagbuwis ng buhay. Si Chester at si Athena naman ay kusang sumuko.
Ngunit hindi kailanman si Salvador La Russo. Nagawa nitong mahablot si Maita at kaladkarin papuntang talampas. Nakatayo ngayon ang mga ito sa gilid ng talampas. Habang nakapulupot sa leeg ni Maita ang isang braso ay dinukot nito mula sa bulsa ng pantalon ang isang detonating device. Kasinglaki lamang ito ng isang karaniwang cell phone. Nang tangkain ni Cassandra at Alexandros na lumapit dito ay agad nitong pinindot ang isan
