Epilogue
Mierve's POV
2 years later…
Habang nakaupo sa balkonahe ng aming kwarto ni Drixx ay abala ako sa pananahi sa butas ng damit ni Drei. Paano ba naman, sa sobrang kalikutan nito ay kung saan-saan ito sumusuot. Dalawang taon pa lang ito pero grabe na ang likot. May mga pagkakataon na sa sobrang laki ng bahay, kapag saglit lang na nawawala ang atensyon ko rito dahil may ginagawa ako ay nawawala na ito sa paningin ko.
Kapag ganoon ay nagpapatulong na ako sa mga kasama ko sa bahay na hanapin ito dahil baka kung saan ito sumuot kaya pati damit nito ay napupunit.
Grabe na rin ang daldal nito. Pero natutuwa kami dahil kahit malikot ito ay sobrang lambing nito sa amin maging sa kapatid ko at kay tatay. Tuwang-tuwa rin si tatay kay Drei. Palibhasa unang apo kaya hindi rin nito maihiwal
