Chapter 22 Naging usap-usapan ang pagpayag ni Sir Alaric sa pagpapa-interview sa office. Iyon ang hottest topic ngayon dito at kanina pa rin ako tinatanong ni Sir Christian kung paano ko nagawang kumbinsihin si sir na pumayag sa interview dahil kahit kailan ay wala pa raw nakakagawa no’n.
Kahit si Sir Justine ay nagpunta rin sa table namin ni Sir Christian dito sa cafeteria upang tanungin iyon sa akin. Ipinaliwanag ko lang ang totoo sa kanila pero nagulat pa rin sila sa naging sagot ko dahil iyon daw ang kauna-unahang beses na nakinig siya sa kanyang secretary. Bilib na bilib tuloy silang lahat sa akin. Pati si Sir Trystan na tumabi kay Sir Christian na ngayon ay namumula ang mukha ay pinuri rin ako.
“Okay ka lang, Chris?” tanong nito. Gusto kong matawa sa reaksyon ni Sir Christian
