Nakalipas na naman ang ilang araw ng hindi nag-uusap si Charey at Xyron. Simula ng malasing ito ay hindi pa sila nag-uusap. Hindi din nya ito dinadalaw. Gusto man nya ay pinipigilan nya ang sarili. Inililigtas lang naman nya ang sarili nya mula sa sakit dahil masasaktan lang sya kapag nakita na naman nya si Xyron.
Lalo na ngayon na nalaman nya na may gusto na pala itong ibang babae. Sana sya na lang pero imposible dahil kay Xyron na mismo nanggaling na kaibigan lang ang turing nito sa kanya.
"May problema ka ba?" Napatingin si Charey kay Jerome.
Umiling-iling sya. "Wala."
"Kanina ka pa kasi nakatulala dyan."
"Talaga?"
"Yep."
Napatingin sya dito nang hindi makapaniwala. Hindi nya napansin na nakatulala pala sya habang iniisip ang sitwasyon nila ni Xyron.
Napabuntong-hininga na lang
