"Manong, pakibilisan naman po." Sabi ni Charey sa driver ng taxi.
Nasa kalagitnaan sila nang date sila ni Jerome ng tumawag sa kanya si Azulan. Pinapapunta sya sa bar ni Sebastian, nandoon ang dalawa. Pinapapunta sya dahil lasing na lasing daw si Xyron at ayaw nitong umalis.
Hindi mapauwi ni Azulan si Xyron kaya tinawagan sya nito, nagbabakasali na mapauwi nya ito. Kanina pa sya nag-iisip kung anong pwedeng dahilan kung bakit ito naglalasing. Ilang araw na din kasi silang hindi nag-uusap. Simula nang araw na nagkasagutan sila ay hindi pa sila ulit nagkakausap.
Isa namang napakalaking imposible para kay Charey kung naglasing ito ay dahil sa away nila. Ilang beses na silang nag-away pero hindi naman ito naglasing ng ganito. Napailing-iling na lang sya. Imposible talaga. Napakalaking impo
