"ANONG GINAGAWA ng asong 'yan dito?" Yan agad ang bumungad kay Mazer ng makapasok sya sa bahay ng mga Reyes.
Napangiti sya ng alinlangan. Ilang linggo na nyang nililigawan si Kellis pero hanggang ngayon ay hindi parin sya tanggap ng ama nito na si Blake. Napanguso sya ng tinuro sya nito sabay sabing aso raw sya.
"Aba! 'Wag mo akong nginungusuan dyang aso ka. Hinding-hindi ako madadala ng pagpapa-cute mo dyan." Ngumiti ulit sya dahil ayaw nitong ngumunguso sya. "Anong nginingiti-ngiti mo dyan?" Napangiwi na sya ngayon, hindi nya kasi alam kung ano ba talagang ekspresyon ang ipapakita nya.
Kung ngumiti sya, nagagalit ito. Kung nakanguso naman, nagagalit din ito. Kahit anong gawin nya ay galit parin ito. Kaya nalilito sya kung anong dapat gawin para lang hindi ito magaliy o mainis sa kanya
