نيران العشق

الجزء الثاني

اكتفى مراد بإبتسامة وذهب لكى يحضر محاضراته.

فى ڤيلا المنشاوي.

رآت همس شئ جعلها فى قمة غضبها كانت رانيا تمسك بيد أحد الخدم وتقوم بدفعها للخارج.

همس: أي اللى أنتى عملتيه ده.

رانيا:عملت اللى لازم يتعمل.

همس:يعنى عشان شوية ملح تعملى كل ده أنتى اي معندكيش احساس.

رانيا: مالك محموقة كده لى هما يستاهلوا كده ولاانتى كنتى عايزانى أتعب عشان تشمتى فيا.(والله ما حد هيشمت فيكى غيرى أنا عشان تتهدى ??).

همس ببرود: لأ أنا مش زيك عشان اشمت فى حد.

وتوجهت بحديثها للخدم: محدش هيخرج من هنا ولا حد مطرود.

رانيا بغضب:ازاى يعنى لو هما مهمين عندك كده خليهم ليكى وانا هاجيب خدم غيرهم أغ*ية صحيح.وخرجت من المطبخ بغضب لوقوف همس بوجهها بهذه الطريقة.

بينما فى الجامعة وتحديداً قسم إدارة الأعمال.

يجلس مراد بملل وهو يستمع لشرح الدكتور.

الدكتور: النهاردة هنعمل (قرعة) تمام دلوقتى كل واحد فيكوا هيسحب ورقة من دول الورق ده كل ورقة فيها مهنة هتشتغلوا المهنة لمدة تلات شهور كتدريب ليه عشان يعتمد على نفسه وكل ده عليه درجات يلا كل واحد يسحب ورقة.

قام كل طالب بسحب ورقه.

عند مراد عند فتحه للورقة ليرى مهنته صدم بشده.....

اذيكوا يا حبايبى عاملين ايه أي رايكو فى البارت ده.

توقعتكوا للبارت الجاى⁦♥️⁩⁦♥️⁩ بحبكوا

ذهبت همس للحديقة ومعها اللاب توب الخاص بها لتتابع عملها فهى تعمل فى شركات المنشاوى إنها المالكة لهذة الشركة ولكنها تحب أن تعمل بعيدا عن العملاء والموظفين والصحافة والضوضاء بينما كانت همس تعمل وهى تحتسى القهوة كانت رانيا فى الشركة تدير إجتماعا.

رانيا:يعنى الورق ده دلوقتي عايز توقيع همس وبكده يكون جاهز.

أحد العملاء: أيوة يا مدام رانيا بس كده الشركة ممكن تخسر كتير.

رانيا:ماهو ده اللى أنا عايزاه أن الشركة تخسر وأنا ارجعها للقمة تانى.

احد العملاء:بس همس هانم ذكية جدا جدا مش هتوقع بالسهولة دى.

رانيا: لأ متقلقش سيب الموضوع ده عليا.

احد العملاء:اللى تشوفيه يا هانم.

رانيا: تمام وبكده يكون الاجتماع انتهى .

بينما فى الجامعة كانت سمر تجلس مع اصدقاؤها فى الكافيتريا وهم (عمر/ادهم/ريهام).

ريهام:قولتى اي يا سمر هتيجي معانا (night club).

سمر:مش عارفه.

ادهم: أي يا سوسو شكلك بقيتى زى همس بتحبى قعدة البيت.

سمر: نعم أنت مجنون بتشبهنى بيها دى واحدة (لوكال)خالص.

يعنى موافقة خلاص هتيجى.

سمر:امم اوكى.

ادهم: اشطاااا هنتقابل في*******

سمر: اوكى أنا هامشى بقى سلام.

(ادهم/عمر/ريهام): سلام.

خااااااااادم تفوه مراد بهذه الكلمة عنده فتحه للورقة فكانت وظيفته التى سيعمل بها لمده ثلاث اشهر هى (خادم)ذهب مراد للمنزل.

مراد: السلام عليكم.

جيهان: وعليكم السلام ورحمه الله وبركاته تعالى يا حبيبي شكلك مدايق .

مراد: النهاردة يا عمتو الدكتور عملنا قرعة عشان قال اى نعتمد على نفسنا لا وكمان عليه درجات يعنى اجبارى.

جيهان:هو قلك درجات يعنى لازم تتدرب وبعدين ده للاعتماد على نفسك يا حبيبي فى المستقبل ولا أنت أصلا مش حابب الشغلانة دى.

مراد: لأ يا عمتو عادى والله كل الحكايه أن أنا هبعد عنكوا لمدة تلات شهور وأنا مش عاوز كده .

جيهان: متخافش يا حبيبي هنكون معاك بالموبايل.

مراد:مش عارف أنا من غيرك كنت عملت اي.

جيهان: والله أنا اللى مش عارفه من غيركوا أنت واخواتك كنت عملت اي من بعد ماماتك وباباك ماتوا أنا انهرت خالص بس اللى صبرنى أنت واخواتك.

وفى هذة الاثناء دلفت ملك لتردف:ايتا ايتا ايتا مكنتش اتوقع منك كده يا جى جى.

جيهان:اى يا قلبى فى ايه؟؟

ملك:بتخونينى مع اخويا يا جى جى لأ وكمان فى الصالون لأ أنا كده هأعيط اهى اهى.

مراد:عمتو كان فى هنا سكينة متعرفيش راحت فين؟؟

ملك وهى تبلع ريقها بصعوبة:لي بس كده يا عم انت ده أنا كنت بهزر بس أي يا رمضان مبتهزرش.

مراد: لأ يختى مبهزرش.

ويقطع هذا الحديث صوت محمد وهو يقول:ايتا ايتا ايتا مراد اذيك يا حبيبي رجعت امتى ايتا كده يامراد تنسى تجيب لانشون وفينو للعيال طب كده اقولوهم اي باباكوا مستتهتر يا خيبتى فيك يا مراد.

مراد كاد ينفجر من الغيظ وجيهان وملك يكتمون ضحكتهم بصعوبة.

مراد: أنا قولت يا عمتوا كان فى هنا سكينة مردتيش بس هى لازم منها.

وقضوا وقتهم فى جو مرح عائلى ظريف.

ليردف مراد: والله كنت جاى زعلان بسبب اللى حصل معايا في الجامعة بس البركة فى المجانين اللى عندنا ضحكونى.

ملك ومحمد:لى اى اللى حصل؟؟؟

مراد:الدكتور قالنا (واخبرهم بما قال لهم الدكتور)واهو اللى حصل وأنا مدايق عشان هسيبكوا لوحدكوا تلات شهور.

محمد بمرح:متقلقش يا مان سايب وراك راجل.

مراد:هو فين الراجل ده؟

محمد:وبلا فخر أنا طبعاً.

مراد:والنبى تنقطنا بسكاتك أصل مش خايف غير من أن أنا اسيبك معاهم اصلك لموأخذة فى الكلمة مستهتر.

محمد: والله ما حد هنا في البيت ده عارف قيمتى يلا أنا خارج.

اذيكوا يا حبايبي عاملين ايه ؟اى رايكوا فى البارت ده توقعتكوا للبارت الجاى أكمل ولا لا.

معلش البارت قصير بس أنا والله تعبانة شوية بس نزلتة عشان محدش يزعل بحبكوا⁦♥️⁩⁦♥️⁩ جماعة ده الاكونت

أشرقت الشمس معلنة عن يوم جديد تسللت أشعة الشمس لغرفته لينهض للاستعداد للذهاب لعمله فهو اليوم سيذهب للعمل كخادم وقد وجد أن عمله في ڤيلا المنشاوي قام مراد وارتدى ثيابه وهى ثياب عادية جدآ وليست ثيابه الغالية لكى لكى يبدو بالفعل كأنه يعمل خادم فعليه أن يعمل بالخفا نزل مراد للاسفل وبيده حقيبة تحتوى على بعض الملابس لأنه سيمكث هناك لمده ثلاث اشهر.

جيهان:تعالى يا حبيبي افطر .

مراد: اذيك يا جى جى.

جيهان: أنا بخير يا حبيبي،بس أنت مالك زعلان كده لي.

مراد: زعلان لأنى هسيبكم يا جى جى تلات شهور فترة طويلة برده.

جيهان: خلاص يا حبيبي اهدا وكله خير إن شاء الله ،وقولتلك أننا هنبقى معاك بالموبايل،وربنا ميجبش حاجة وحشة يا حبيبي.

مراد:هتوحشينى أوى يا جى جى.

جيهان بمرح: مالك يا مراد قلبتها دراما كده لي وكأنك رايح مش راجع يا حبيبي دول تلات شهور يلا تعالى عشان تفطر لما المجانين ينزلوا عشان تودعهم.

كاد مراد أن يتحدث إلى أن استمع الى صوت بكاء ملك فذهب إليها مسرعاً وجدها تقف قريبة منهم هذا يعنى أنها استمعت لحديثهم وهى تحب جدا لذلك هى حزينه لهذه الدرجة.

مراد: مالك يا اميرتي اهدى كده مش متعود أنا عليكى كده فين ملك الدبش.

ملك بضحك وسط بكائها: أنت هتوحشنى أوى يا مراد.

مراد: خلاص بقى عشان خاطري لو فضلتى تعيطى هازعل.

ملك وهى تمسح دموعها مثل الاطفال: خلاص ماشى.

دلف محمد وهو يقول بدرامية: اوووه اى المشهد الحزين ده ترانى تأثرت لحظه أبكى اهئ اهئ اهئ.

مراد ببرود:غور يلا من هنا..

محمد:يعنى الحق عليا أنى جاى اودعك بما أنك ماشى رايح لنصيبك.

مراد بسخرية:وفين نصيبى ده.

محمد:مش عارف أنا بألش وخلاص بس بجد هتوحشنى يا مان.

مراد: وأنت كمان هتوحشنى..خلى بالك من جى جى وملك يا محمد.

محمد:متخافش يا جدع روح أنت بالسلامة.

مراد:مش عارف لي حاسس أنك بتطردنى؟؟

محمد:حاسس يعنى مش متأكد؟

مراد: أنا ماشى قبل ما أتشل... يلا سلام يا عمتو سلام يا ملوكة.

وذهب فى طريقه إلى ڨيلا المنشاوي....

بينما فى ڤيلا المنشاوي كانت رانيا وهمس وسمر يلتفون حول سفرة الافطار.لتردف سمر:اي يا مامى مش هتيجى معايا نغير موديل العربية بتاعتى.

رانيا: لأ.. يا حبيبة مامى أنا النهاردة عايزة أشرف على الخدم الجداد عشان اللى حصل مايتكررش.

سمر:اوكى يا مامى بس انتى لازم تفضى وقت عشان تيجى معايا اوكى.

رانيا:اوكى يا قلب مامى.

بينما همس كانت تستمع لحديثهم بسخرية وهى تقول في نفسها:يا نوحى نوحى مامى وحبيبة مامى الله يرحم أيامكم هه.

قطع حديثها مع نفسها دخول مراد بعدما أذن له الحراس بالدخول.

مراد: السلام عليكم.

رانيا وهى تنظر له باشمئزاز: أنت الخدام الجديد.

مراد فى نفسه:طب ردى السلام طيب ولا هما دى أشكال يترد عليها السلام أصلا أنا الغلطان بس ميت الملاك دى ده أنا...

قطع حديثه مع نفسه رانيا وهى تقول:تعال ورايا يلا.

ذهب مراد ورائها تحت نظرات سمر له وهى تقول في نفسها:معقول القمر خادم نهار اازرق ده عضلات ووسامة خدام مستحيل ده أحلى من احلى واحد عندنا في الجامعة.

بينما مراد يقف أمام رانيا وهى تقول:اممم أنت بقى الخدام الجديد.

مراد فى نفسه:طب دى المرة الخمسين تسألنى فيها هى الولية دى عندها زهايمر ولا اية.

مراد ببرود:اه أنا.

رانيا: لأ بس شكلك ابن ناس يعنى.

مراد:وده الطبيعي ما كلنا ولاد ناس.

رانيا: لأ طبعا أنت بتقول أي الخدم دول مجرد ناس لتلبية احتياجتنا وهو فى طريقه إلى المطبخ اصتدم بها ومن غيرها همس ابتعدت عنه وهى تمسك رأسها بألم.

همس:اى.. أنا آسفة بجد مشوفتكش.

مراد:الغلط مش غلطك أنا اللى آسف.

أما همس فإكتفت بإبتسامة ورحلت مسرعة بسبب ض*بات قلبها التى تقسم أنه سمعها من شدتها.

دلف مراد للمطبخ وهو يقول: السلام عليكم.

الخدم: وعليكم السلام ورحمه الله وبركاته.

مراد: أولا بقا أنا هنا جديد والهانم دى اسمها اي......اه اسمها رانيا قالتلى انزلكم هنا يا حبايب ماما أنتم وتقولولى أعمل ايه.

أما الخدم فتحوا افواهم من هذا الشخص وكيف يتحدث عن رانيا هكذا إذا سمعته سوف تقتلوا لا محالة.

مراد:ها يا شباب..مالكم سرحتوا فى ايه عارف أنى قمر بس مش للدرجادى يعني.

احد الخدم:ياخى بلا نيلة قمر أي أنت حيلا خدام.

خادم آخر:اسكت يا عم ده شكله إبن ناس كده مش وش خدم ده.

مراد: أنا مش عارف اى مشكلتكم مع إبن الناس ،ماكلنا أولاد ناس يجماعة .

احد الخدم:طب يلا تعالى اقولك هتعمل ايه.

مراد:ماكان من الأول بقالكوا ساعة بترغوا يلا.

أما فى ڤيلا الألفى وتحديدا غرفة محمد كان يتحدث في الهاتف وهو يقول:اى ده بجد عينها خضرا...وكمان بيضا لأ ده أنت عديت..... تمام اشطااااااا هاتها بكرا... لأ متقلقش محدش يعرف حاجه وبعدين محدش هيكون موجود.

وفى هذه الأثناء كانت ملك تقف أمام الباب وهى تستمع لحديث توأمها بدهشة.

ملك وهى تدلف الى الغرفه بغضب: نعم يا عنييييييييا تجيبها هنا وكمان عينيها خضرا وبيضا اه يا بجح والله لقول كلل حاجة لمراد إحنا مخدوعين فيك يا سافل عايز تجبب نسوان البيت واحنا مش موجودين يا معفن.

بينما محمد يفتح فمه ببلاهة شديدة وهو يقول:نسوان مين لأ أنتى فهمتى غلط خالص.

ملك: لأ والله اى هو الصح يا نتن يا معفن يا كلب البحر.

محمد وهو يضحك: لأ دى قطة.

ملك وكمان بتقول عليها قطة قدامى يا بجح والله لقول لمراد وهو يتصرف معاك.

ثم ذهبت للخارج لكى تخبر عمتها ولكن محمد لحقها ووضع يده على فهما وهى يجذبها للغرفة

محمد: استنى بس يا غ*ية افهمى.

ملك: افهم ايه ها أفهم أى ما كل حاجة واضحة اهى زى الشمش.

محمد:ولما هى واضحة زى الشمس مفهمتيهاش لى.

ملك:قصدك أي يلا قب واعترف اخلللللللص.

محمد: يا اختى العزيزة يا توأمى ال....

لم يكمل حديثه لتقاطعه ملك: اخلللللللص ومتحاولش تأكل بعقلى حلاوة عشان أنا فهماك وغسلاك ونشراك.

محمد بسخرية:ومش منشيفانى بالمرة..بت اسمعى اللى أنا كنت بكلمة ده عمر صاحبى عنده قطة وأنا بحب القطط وعمتوا بتق*ف منهم فأنا يا اذكى اخواتك قولتلوا يجيب القطة هنا بكرة بما أن عمتوا هتكون مش موجوده فهمتى.

ملك:هممممم..قطة قولتلى برضو هأفتش عليك ده لو ادتنى مش عملتلى اللى أنا عايزاه طبعاً.

محمد وهو يفهم الام تلمح: نعم يختى لأ ممعيش فلوس اجبلك يا عنياااا يلا بقى من غير مطرود.

ملك:ماشى اروح من غير مطرود اكلم مراد واقولوا.

محمد وهو يسحبها إليه مثل حرامي الغسيل:تعالى منه لله الظالم والمفترى يا شيخة تعالى .

ملك:يلا هاتلى شوكولااااتة عااااااااااااااا.

محمد:وطى صوتك هتفضحينى هأجبلك بس مفيش كلمة تخرج من باب الاوضة دى فاهمة.

ملك بتذمر:حاضر يا أخويا.

بينما فى ڤيلا المنشاوي كان مراد يعمل بالمطبخ كما أمرته رانيا وذهب لكى يعطيها قهوتها.

مراد وهى يطرق باب الغرفة:مدام رانيا.

رانيا من الداخل: اتفضل .

مراد ببرود:اتفضلى اهى قهوتك تأمرى بحاجة تانية...

رانيا: لأ شكراً.

بينما مراد في طريقه الى المطبخ رأى شئ جعله في صدمة.

...................................................................

كان مراد فى طريقه إلى المطبخ رأى شئ جعله في صدمة كانت همس تتسطح أرضا أمام غرفتها غارقة في دمائها جحظت عيناه من صدمته فكانت رأسها تنزف ذهب مراد مسرعاً لها: آنسة همس آنسة همس أخذ يض*ب على خدها برقة لعلها تستجيب ولكنها كانت كالجثة الهامدة بين يديه فأردف هو بصوت هز جدران ڤيلا المنشاوي:همممممممممممممممس.

تجمع كل من فى الڤيلا من الخدم وسمر ورانيا.

فأردفت رانيا ببرود:فى أى مش تحترم أصحاب البيت ولا اية اى الهمجية دى.

فأردف هو بغضب وعيناه حمراء بشدة وبفيح مرعب:ولما البيت له أصحاب كانوا فين والانسة همس حالتها كده.

ابتعد عنها فقد كان يعطى ظهرهه للموجودين تصنم الخدم مما روأ فهذه هى الملاك الذي يسكن هذا البيت.اردفت رانيا ببرود:وياترى دى مسرحيه جديده.

تحدث مراد بغضب شديد:بسرعة حد يتصل بالاسعاف بسرعة.

حملها وذهب بها من الڤيلا للسيارة فهو لايعلم كم من الوقت التى ستأخذه سيارة الإسعاف لتصل.قاد السيارة بسرعة شديدة حتى وصل للمستشفى وآخذ يصرخ بالممرضين:تروللللللللللللللى بسرررررعة.

أحضروا له ترولى وقاموا بأخذها لفحصها وهو يقف بالخارج بالكاد يتنفس جلس على أقرب مقعد قا**ه ظل بعض الوقت لايعرف ماذا فعل ولما فعل كل هذا لما كان كل هذا الخوف عليها سأل نفسه لما عند رؤيتها هكذا شعر بأن روحه تنسحب منه.

بينما فى ڤيلا الألفى كانت ملك تجلس تذاكر دروسها بغرفتها بتركيز قطع تركيزها صوت هاتفها معلنا عن إتصال اخذتة فأجابت بفرحة رووجى قلبى عاملة اية وعموا عامل ايه وحشانى يا كلبة البحر يا مهزأة.

على الناحية الأخرى فى أمريكا كانت روجى تتحدث بإبتسامة: ملوكة المعفنة عاملة اية ومراد عامل ايه وعمتوا جى جى ليها وحشة الولية دى.

ملك:ولية..دى لو سمعتك هتعمل منك بوفتيك... عموماً يا ستى كلنا كويسين عموا مصطفى عامل ايه.

روجى:كويسين ومراد عامل ايه.

ملك: مراد فى مهمة خاصة يختى.

روجى:مهمة خاصة؟؟

ملك:هفهمك بعدين اى مش ناوين تيجوا تشلوخونا اه قصدى تنورونا هههههههههههه.

روجى: والله قولت لبابا لسة مردش عليا اصلة مشغول فى شغلة وكده بعيد عنك يختى.

ملك:طيب ماشى يا حب سلام دلوقتى.

روجى: سلام.

يتبع........

بقلم الكاتبة مريم حمدي