Kinabukasan ay agad ngang inasikaso ni Ace ang binabalak niyang pag-file sa korte para makuha niya ang full authority ng kanyang anak.
Maagang-maaga pa lang ay umalis na siya roon at pinagbilinan sina Nanay Iseng at ang guard na huwag nang payagan si Samantha na pumasok sa bahay niya at makita si Lyka. Kung gusto nitong makita ang kanyang anak ay kailangan muna itong dumaan sa kanya at sinabihan niya rin si Nanay Iseng na kapag nag-umpisa itong magwala ay tumawag na sila ng pulis.
Pinuntahan niya ang kanyang abogado sa opisina nito para doon na planuhin ang mga dapat niyang gawin para manalo sa kasong iyon.
Nang makarating naman siya roon ay eksakto lang na kakalabas lang ng kliyento nito. Tuwang-tuwa ito nang makita siyang kumakatok, agad siya nitong nilapitan at nakipag
