LETTY SABRINA SABROSA’s P.O.V
“Manong, dito na lang po.” magalang na sambit ko sa driver nitong pangalawang tricycle na sinakyan ko.
Nagcommute ako dahil wala akong ganang mag-drive ngayon. Ewan ko ba? Ngayon lang ito nangyari sa akin. Ngayon lang ako tinamad magdrive. Nagastusan tuloy ako ng dise-sais pesos.
Nang tuluyang makababa ng tricycle. Napangiti ako. Kitang-kita ko kasi ang mga itinitindang cotton candy. 7:30 pa lang naman ng umaga at alas-otso ang simula ng pasok ko. Hindi rin naman ito kalayuan sa eskwelahan kaya pwedeng-pwede ko itong lakarin.
“Manong, isang strawberry flavored cotton candy po. Magkano?” parang batang tanong ko.
Paborito ko kasi ito at matagal na rin akong hindi nakakakain nito.
“Sampung piso, miss.”
Nakangiti akong kumuha at nag-abot ng bayad kaya
