CHARDIE'S POV
"Safarah, kamusta ka na ngayon? Nakabalik na pala si Shannen from Japan. Sabi ko nga sumama siya rito para makita ka niya kaso may important meeting daw siya kaya mamaya na lang daw. May dala nga pala akong yellow roses, paborito mo ito di ba? Nabasa ko sa diary mo." Naupo ako matapos ilagay ang bulaklak sa vase na nakapatong sa lamesa sa tabi ng hospital bed. Isang buwan na rin mula noong nangyari ang aksidente. Araw-araw ay hindi ako nagpapalya ng pagpunta rito. Ganoon rin si Kuya Kid. Hinawakan ko ang kamay niya saka ngumiti bago muling nagsalita. "Namimiss na kita Safarah. Kailan mo ba balak gumising? Pa-sleeping beauty ka na masyado diyan." Muli ay ngumiti ako bago sumubsob sa mga kamay niya. Gumising lang siya ay sasabihin ko na kaagad sa kanya ang nararamdaman ko.
