NAGISING na naman si Catherine ng madaling araw na hinahalukay ang kanyang tiyan.
At nang matapos na naman siyang sumuka ay nakaramdam na naman siya ng paghihina, mahigpit nga ang pagkakapit niya sa may sink para doon kumuha ng suporta, kailangan niyang humawak sa sink dahil nararamdaman din niya ang paghihina ng mga binti.
Hindi nga din napigilan ni Catherine ang mapakagat ng ibabang labi ng maramdaman niya ang pamamasa ng magkabilang mga mata hanggang sa hindi na niya iyon napigilan at tuluyan ng pumatak ang luha sa mga mata niya.
Naawa si Catherine sa sarili sa totoo lang. Hindi niya ini-imagine na ganito ang mangyayari sa buhay niya. Noong wala pa siya sa ganitong sitwasyon, iniisip niya na kapag mag-aasawa siya ay ito ang magiging katuwang niya sa lahat, magiging katuwang niya s
