PAGKATAPOS nilang mag-shopping ay sa halip na umuwi na ng mansion ay nagyaya si Tita Grace na kumain muna sila sa isang restaurant. Tinanong siya ni Tita Grace kung saan niya gustong kumain.
Gusto sanang i-suggest ni Catherine na sa isang fast food chain sila kumain dahil gusto niyang kumain ng burger at spaghetti. Nagki-crave kasi siya pero hindi niya ma-i-suggest iyon dahil hindi naman sanay sina Tita Grace na kumain do'n. Baka ma-out of place ang mga ito kapag niyaya niya ang dalawa na kumain do'n. Sigurado namang papayag si Tita Grace kapag sinabi niyang doon niya gustong kumain. Pero si Travis ay baka umayaw ito.
Kaya kahit na nagki-crave siya sa burger at spaghetti ay tiniisin niya. Mamaya na lang siguro siya kakain iyon. Kaya sa halip na sa fast food chain ang i-suggest niya ay
