TININGNAN ni Catherine ang wristwatch na suot, sampung minuto na ang lumipas simula noong lumabas ng opisina si Tita Grace pero hanggang ngayon ay hindi pa din ito bumabalik. Gusto nga din niyang lumabas para sundan ito pero hindi naman niya alam kung nasaan ito ng sandaling iyon.
Pasimple nga din siya tumingin kay Travis at nakita niyang tutok pa din ang atensiyon nito sa computer nito. Napaka-workaholic talaga nito.
Naisip niyang kaya siguro lagi itong umuuwi ng gabi noon, hindi dahil iniiwasan siya nito o ayaw siya nitong makita kung hindi dahil abala talaga ito sa trabaho.
Simula nga din noong pinagsabihan siya nito ng 'Quiet' ay agad siyang nagpaalam sa kaibigan si Brad. At hindi na nga siya umimik para hindi niya ito ma-istorbo.
Humugot na lang naman si Catherine ng malalim n
