"Huwag 'wag kang lalapit!" takot na takot si Marco Biong sa bata.
Paisa-isa ang paghakbang ng batang si Kim. Palapit ito sa kanya.
Wala nang maurungan pa ang enhinyero. Nakasandal na ito sa pader na nababalutan pa rin ng yelo. Nakangisi sa kanya ang bata. Nakakapangilabot ang tingin nito habang patuloy pa rin ang pagdurugo ng leeg.
Hindi nito pinansin si Riza na ina na nagsusumamo sa kanya. Desidido na talaga ang bata sa paghihiganti.
At sa matinding takot ay napaupo ang enhinyero. Para na itong mababaliw. Nasabunotan nito ang buhok at pinagpapawisan ng malapot. Lalong nahintakutan ito nang palapit ng palapit na sa kanya ang batang pinatay niya noon.
Nagkaroon lang ito ulit ng pag-asa at tapang nang sa pagkilos nito ay isang metal ang nakapa niya. 'Yong b***l ng isa niyang tauhan kani
