Nagising ako, dahil sa maliit na sinag ng araw, na nakalusot sa mga makakapal na kurtina sa bintana ng kwarto ko. Naalala ko, nag-collapsed pala ako kahapon habang papasok kami ni Honey sa condo ko.
Napabalikwas ako ng bangon nang maalalang kasama ko pala si Honey. Kaagad kong nilibot ang mga mata sa kabuuan ng kwarto ko, pero hindi ko makita si Honey. Baka umuwi na.
Bumuntonghininga ako. Nakakahiya ang nangyari sa 'kin kahapon. Mabuti na lang talaga, nakita ako ni Honey. Hindi ko alam kung nakita ba ni Zeshue ang nangyari sa 'kin. Hindi ko naman s'ya masisisi kung iniwan n'ya lang ako bigla.
Hindi ko rin alam, kung ba't ang lalim ng galit ng tita ni Zeshue sa 'kin, gayong sabi ni Zeshue hindi galit ang daddy n'ya sa 'kin.
Sadyang may mga tao talaga na kapag nilamon na nang matinding
